Mga Proberbios 16:1-33

  • Hi Jehova nag-uusisa han motibo (2)

  • Isarig kan Jehova an imo ginbubuhat (3)

  • Tangkod nga timbangan tikang kan Jehova (11)

  • Antes han kapukan aada an pagpahitaas (18)

  • Mga uban, matahom nga korona (31)

16  An usa nga tawo nag-aandam han mga panhunahuna han iya kasingkasing,*Pero an iya iginbabaton* tikang kan Jehova.+   An ngatanan nga dalan han usa nga tawo baga hin husto* para ha iya,+Pero hi Jehova nag-uusisa han mga motibo.*+   Isarig* kan Jehova an anoman nga imo ginbubuhat,+Ngan maglalampos an imo mga plano.   An ngatanan nga butang ginpapalampos ni Jehova para ha iya katuyoan,Bisan an maraot nga tawo para ha adlaw han kadaot.+   An tagsa nga tawo nga mapahitas-on an kasingkasing mangil-ad kan Jehova.+ Makakasiguro ka nga* diri hiya makakalikay ha sirot.   Tungod han maunungon nga gugma ngan pagkamatinumanon, ginpapara an sala,+Ngan tungod han kahadlok kan Jehova an usa nga tawo nalikay ha maraot.+   Kon nalilipay hi Jehova ha pagkinabuhi han usa nga tawo,Ginpapahinabo Niya nga makigmurayaw ha iya bisan an iya mga kaaway.+   Mas maopay na la an pagkaada hin gutiay pero aada an pagkamatadong+ Kay han pagkaada hin daku nga kità pero waray hustisya.+   An usa nga tawo bangin magplano ha iya kasingkasing han iya kakadtoan,Pero hi Jehova an naggigiya han iya mga pitad.+ 10  An giniyahan nga desisyon* kinahanglan aada ha mga im-im han usa nga hadi;+Kinahanglan magin patas hiya ha pagpadapat hin hustisya.+ 11  An tangkod nga suklanan ngan timbangan tikang kan Jehova;Iya ginhimo an ngatanan nga panimbang nga aada ha surudlan.+ 12  An magraot nga mga binuhatan mangil-ad ha mga hadi,+Kay pinaagi han katadongan an trono marig-on nga naiestablisar.+ 13  An matadong nga panyakan nakakapalipay ha mga hadi. Nahigugma hira ha tawo nga nagyayakan hin tangkod.+ 14  An kapungot han hadi pariho hin mensahero han kamatayon,+Pero an maaramon nga tawo nagpapakalma* hito.+ 15  Ha kahayag han pamahongpahong han hadi aada an kinabuhi;An iya pag-uyon pariho hin dampog nga nagdadara han uran ha katsaringsing.+ 16  Mas maopay gud an pagkuha hin kinaadman imbes nga hin bulawan!+ Mas maopay pilion an pagkuha hin pagsabot kay han pagkuha hin silber.+ 17  An dalan han magtadong naglilikay ha karaotan. An bisan hin-o nga nagbabantay han iya dalan nagtitipig han iya kinabuhi.*+ 18  Antes han kapukan aada an pagpahitaas,Ngan antes han kahipakdol aada an mapahitas-on nga disposisyon.+ 19  Mas maopay nga magin mapainubsanon* kaupod han mga maaghop+ Kay han magkaada bahín ha dinag-an han mga mapahitas-on. 20  An tawo nga nagpapakita hin hilarom nga pagsabot ha usa nga butang maglalampos,*Ngan malipayon an tawo nga nasarig kan Jehova. 21  An tawo nga maaramon an kasingkasing makikilala nga may pagsabot,+Ngan an tawo nga buotan manyakan* nakakakombinse.+ 22  An hilarom nga pagsabot burabod han kinabuhi ha mga may-ada hito,Pero an mga lurong gindidisiplina han ira mismo kalurongan. 23  An kasingkasing han matadong nga tawo naghahatag ha iya baba hin hilarom nga pagsabot+Ngan nagdudugang han pagin makakombinse han iya panyakan. 24  An makalilipay nga mga pulong pariho hin dugos,Matam-is ha kalag* ngan nakakatambal ha mga tul-an.+ 25  May dalan nga baga hin husto ha usa nga tawo,Pero kamatayon ngay-an an kataposan hito.+ 26  An hingyap ha pagkaon* han usa nga trabahador nagpapagios ha iya nga magtrabaho hin madurutoKay an iya kagutom* nag-aaghat ha iya nga buhaton ito.+ 27  An waray pulos nga tawo nag-uukad hin magraot nga mga butang;+An iya panyakan pariho hin nakakapaso nga kalayo.+ 28  An tawo nga nagpapatikang hin samok* nagigin hinungdan hin araway,+Ngan an parapakaraot nagbubulag han duok nga magsarangkay.+ 29  An bayolente nga tawo nagsusulay ha iya igkasi-tawoNgan nagtutugway ha iya ha sayop nga dalan. 30  Nakiro hiya samtang nagpaplano hin nakakadaot nga mga butang. Iya ginkakagat an iya im-im samtang nagbubuhat hin karaotan. 31  An mga uban matahom* nga korona+Kon aada ito ha dalan han katadongan.+ 32  An tawo nga diri madagmit masina+ mas maopay kay han makusog nga tawo,Ngan an tawo nga nagpupugong han iya kasina* mas maopay kay han tawo nga nagsasakop hin syudad.+ 33  Ha paa igin-iitsa an gudtiay nga mga bato ha pagripa,+Pero an tagsa nga desisyon pinaagi hito tikang kan Jehova.+

Mga footnote

Lit., “Kanan tawo an mga paghan-ay han kasingkasing.”
O “an husto nga baton.” Lit., “an baton han dila.”
Lit., “putli.”
Lit., “mga espiritu.”
Lit., “Ipakaliding.”
O “Bisan pa maglamanohay.”
O “An desisyon nga tikang ha Dios.”
O “naglilikay.”
O “kalag.”
Lit., “mapainubsanon an espiritu.”
Lit., “makakaagi hin kaopayan.”
O “Ngan an makaruruyag nga panyakan.” Lit., “Ngan an katam-is han mga im-im.”
O “panrasa.” Kitaa an Glossary.
O “An kalag.”
Lit., “baba.”
O “nga nagpaplano hin maraot.”
O “mahimayaon.”
Lit., “nagmamando ha iya espiritu.”