Deuteronomio 30:1-20

  • Pagbalik kan Jehova (1-10)

  • Sugo ni Jehova diri sobra kakuri (11-14)

  • Pagpili butnga han kinabuhi o han kamatayon (15-20)

30  “Kon ini ngatanan nga pulong mahitabo na ha imo, an bendisyon o an sumpa nga akon ginpapilian ha imo,+ ngan mahinumdoman mo ito*+ ha ngatanan nga nasud diin ginpapatlaag ka ni Jehova,+  ngan bumalik ka kan Jehova nga imo Dios+ ngan mamati ha iya tingog sumala han ngatanan nga iginsusugo ko ha imo yana nga adlaw, ikaw ngan an imo mga anak, ha bug-os mo nga kasingkasing ngan ha bug-os mo nga kalag,*+  igbabalik ni Jehova nga imo Dios an mga ginpanbihag ha imo+ ngan papakitaan ka hin kalooy+ ngan iya kamo titirukon utro tikang ha ngatanan nga mga katawohan diin didto ka iginsarang ni Jehova nga imo Dios.+  Bisan an imo katawohan magpatlaag ha mga kataposan han langit, tikang didto titirukon kamo ngan igbabalik kamo ni Jehova nga imo Dios.+  Dadad-on ka ni Jehova nga imo Dios ha tuna nga gintatag-iya han imo mga amay, ngan pagtatag-iyahon mo ito; ngan hihimoon ka niya nga mainuswagon ngan padadamuon ka niya labaw pa kay han imo mga amay.+  Hi Jehova nga imo Dios maglilimpyo* han imo kasingkasing ngan han kasingkasing han imo katulinan,+ basi higugmaon mo hi Jehova nga imo Dios ha bug-os mo nga kasingkasing ngan ha bug-os mo nga kalag* ngan mabubuhi ka.+  Katapos, ipapadapat ni Jehova nga imo Dios ini ngatanan nga sumpa ha imo mga kaaway, nga nangalas ngan nagtimaraot ha imo.+  “Katapos, mabalik ka ngan mamamati ha tingog ni Jehova ngan susundon an ngatanan niya nga sugo nga akon iginsusugo ha imo yana nga adlaw.  Hihimoon ka ni Jehova nga imo Dios nga magin mainuswagon hinduro ha ngatanan nga ginbubuhat han imo mga kamot,+ padadamuon an imo mga anak ngan an imo mga hayop ngan an produkto han imo tuna, kay malilipay utro hi Jehova nga himoon ka nga mainuswagon, sugad la nga nalipay hiya ha imo mga kaapoy-apoyan.+ 10  Kay hito nga panahon, mamamati ka ha tingog ni Jehova nga imo Dios ngan masugot ha iya mga sugo ngan mga surundon nga iginsurat dinhi hini nga libro han Balaud, ngan mabalik ka kan Jehova nga imo Dios ha bug-os mo nga kasingkasing ngan ha bug-os mo nga kalag.*+ 11  “Ini nga sugo nga akon iginsusugo ha imo yana nga adlaw diri sobra kakuri para ha imo, diri liwat ito makuri abuton para ha imo.*+ 12  Waray ito ha langit, nga masiring ka, ‘Hin-o an masaka ha langit ngan makuha hito para ha aton, basi mabatian naton ito ngan tumanon ito?’+ 13  Waray liwat ito ha tabok han dagat, nga masiring ka, ‘Hin-o an makadto ha tabok han dagat ngan makuha hito para ha aton, basi mabatian naton ito ngan tumanon ito?’ 14  Kay an pulong hirani gud ha imo, aada ha imo mismo baba ngan ha imo mismo kasingkasing,+ basi imo ito mabuhat.+ 15  “Kitaa, gintatagan ko ikaw hin mapipilian, an kinabuhi ngan kaopayan, o an kamatayon ngan karaotan.+ 16  Kon mamamati ka ha mga sugo ni Jehova nga imo Dios nga akon iginsusugo ha imo yana nga adlaw, pinaagi ha paghigugma kan Jehova nga imo Dios,+ pinaagi ha paglakat ha iya mga dalan, ngan pinaagi ha pagtuman han iya mga sugo ngan han mga surundon nga iya ginhimo ngan han iya hudisyal nga mga desisyon, kon sugad mabubuhi ka+ ngan magdadamu, ngan hi Jehova nga imo Dios magbibendisyon ha imo ha tuna nga imo pagtatag-iyahon.+ 17  “Pero kon an imo kasingkasing bumaya+ ngan diri ka mamati ngan madani ka ngan yumukbo ha iba nga mga dios ngan mag-alagad ha ira,+ 18  yana nga adlaw ginsusumatan ko kamo, sigurado nga mapupoo kamo.+ Diri kamo mabubuhi hin maiha ha tuna nga iyo gintatabok ha Jordan basi pagtag-iyahon. 19  Ginkukuha ko an langit ngan an tuna sugad nga mga testigo kontra ha iyo yana nga adlaw nga akon kamo ginpapapili butnga han kinabuhi o han kamatayon, han bendisyon o han sumpa;+ ngan kinahanglan pilion mo an kinabuhi basi ka mabuhi,+ ikaw ngan an imo katulinan,+ 20  pinaagi han paghigugma kan Jehova nga imo Dios,+ pinaagi han pagpamati ha iya tingog, ngan pinaagi han pagpabilin nga duok gud ha iya,+ kay hiya an imo kinabuhi ngan pinaagi ha iya mabubuhi ka hin maiha nga panahon ha tuna nga iginpanumpa ni Jehova nga ighahatag ha imo mga kaapoy-apoyan nga hira Abraham, Isaac, ngan Jacob.”+

Mga footnote

Lit., “ngan igbalik mo ito ha imo kasingkasing.”
Kitaa an Glossary.
Lit., “magtuturi.”
Kitaa an Glossary.
Kitaa an Glossary.
Lit., “diri liwat ito hirayo.”