Unong ed si Mateo 1:1-25

  • Kapolian nen Jesu-Kristo (1-17)

  • Inkiyanak nen Jesus (18-25)

1  Say libro a mangisasalaysay ed bilay* nen Jesus a Kristo,* ya anak nen David,+ ya anak nen Abraham:+   Si Abraham so ama nen Isaac;+si Isaac so ama nen Jacob;+si Jacob so ama nen Juda+ tan saray agagi to;   si Juda so ama nen Perez tan Zera+ diad panamegley nen Tamar;si Perez so ama nen Hezron;+si Hezron so ama nen Ram;+   si Ram so ama nen Aminadab;si Aminadab so ama nen Naason;+si Naason so ama nen Salmon;   si Salmon so ama nen Boaz ed panamegley nen Rahab;+si Boaz so ama nen Obed ed panamegley nen Ruth;+si Obed so ama nen Jesse;+   si Jesse so ama nen David+ ya ari.Si David so ama nen Solomon+ ed panamegley na asawa nen Urias;   si Solomon so ama nen Rehoboam;+si Rehoboam so ama nen Abias;si Abias so ama nen Asa;+   si Asa so ama nen Jehosafat;+si Jehosafat so ama nen Jehoram;+si Jehoram so ama nen Uzias;   si Uzias so ama nen Jotam;+si Jotam so ama nen Ahaz;+si Ahaz so ama nen Hezekias;+ 10  si Hezekias so ama nen Manases;+si Manases so ama nen Amon;+si Amon so ama nen Josias;+ 11  inilalak nen Josias+ si Jeconias+ tan saray agagi to sanen nibantak ed Babilonia iray Judio.+ 12  Sanen wala rad Babilonia, inilalak nen Jeconias si Sealtiel;si Sealtiel so ama nen Zerubabel;+ 13  si Zerubabel so ama nen Abiud;si Abiud so ama nen Eliakim;si Eliakim so ama nen Azor; 14  si Azor so ama nen Zadok;si Zadok so ama nen Aquim;si Aquim so ama nen Eliud; 15  si Eliud so ama nen Eleazar;si Eleazar so ama nen Matan;si Matan so ama nen Jacob; 16  si Jacob so ama nen Jose ya asawa nen Maria, ya angiyanak ed si Jesus+ a tatawagen a Kristo.+ 17  Kanian amin a henerasyon manlapud si Abraham anggad si David et 14 a henerasyon; manlapud si David anggad sanen nibantak ed Babilonia iray Judio et 14 a henerasyon; manlapud inkibantak dad Babilonia anggad panaon na Kristo et 14 a henerasyon. 18  Balet oniay inkiyanak nen Jesu-Kristo. Sanen si Maria ya ina to et akisipanan lan miasawa ed si Jose, sikatoy nanlukon ed panamegley na masanton espiritu*+ antis iran mankasakey. 19  Lapud matunong si Jose ya asawa* to tan agto labay a magmaliw a kababaing si Maria, ninonot ton idiborsyo ya anggapoy makaamta.+ 20  Balet kayari ton ninonot iraya, nampanengneng ed sikato so sakey ya anghel nen Jehova* diad sakey a kugip, ya inkuan to: “Jose, anak nen David, agka natatakot a mangisempet ed asawam a si Maria, ta sikatoy nanlukon ed panamegley na masanton espiritu.+ 21  Sikatoy mangiyanak na sakey a laki, tan say ingaran mod sikato et Jesus,*+ ta sikatoy mangilaban ed totoo to ed saray kasalanan da.”+ 22  Agawa irayan amin pian nasumpal so imbaga nen Jehova* diad panamegley na propeta to, ya inkuan to: 23  “Manlukon so birhen tan mangiyanak na sakey a laki, tan say ingaran dad sikato et Emmanuel,”+ a say kabaliksan to no ipatalos et, “Walad Sikami so Dios.”+ 24  Insan binmangon si Jose tan ginawa to so ingganggan na anghel nen Jehova,* tan insempet toy asawa to. 25  Balet sikatoy agto inakdolan anggad impangiyanak toy sakey a laki,+ tan say inngaran tod ugaw et Jesus.+

Paimanod leksab

Odino “linya na kapolian.”
Odino “Mesias; Sakey a Nilanaan.”
Odino “aktibon puersa.”
Unong ed kustombre na saray Judio, say sakey a lakin akisipanan a piasawaan et tatawagen lan asawa.
Diad Kristianon Griegon Kasulatan na sayan bersion, dia so unona ed 237 a pakabasaay ngaran na Dios, a Jehova. Nengnengen so Apendise A5.
Mipetekan ed Hebreon ngaran a Jesua, odino Josue, a mankabaliksan na “Si Jehova so Kilalaban.”
Nengnengen so Apendise A5.
Nengnengen so Apendise A5.