An Ikaduha nga Libro han mga Cronicas 4:1-22

  • Halaran, Dagat, ngan mga planggana (1-6)

  • Mga burutangan han lampara, mga lamesa, ngan mga bungsaran (7-11a)

  • Nahuman an mga gamit ha templo (11b-22)

4  Katapos, ginhimo niya an halaran nga tumbaga,*+ 20 ka siko an kahilaba, 20 ka siko an kahilapad, ngan 10 ka siko an kahitaas.  Ginhimo niya an Dagat*+ tikang ha hinurma nga metal. Malidong an kurti hito, 10 ka siko an diyametro han ganggang ngan 5 ka siko an kahitaas, ngan malilikosan ito hin higot nga isurukol nga 30 ka siko an kahilaba.+  Ngan may-ada adorno nga mga prutas nga pariho hin pakwan+ ha ubos hito, ha bug-os nga palibot, napulo ha kada siko ha palibot han Dagat.* Duha ka rumbay an mga prutas nga pariho hin pakwan nga ginhurma kaupod hito.  Nakatungbaw ito ha 12 nga todo nga baka,+ 3 nga naatubang ha norte, 3 nga naatubang ha weste, 3 nga naatubang ha sur, ngan 3 nga naatubang ha este; ngan an Dagat* igintungbaw ha mga baka, ngan an ngatanan nga tipaikog nga parte nagtatarapo ha sentro.  Ngan an kadakmulon hito usa ka dapal;* ngan an ganggang hito ginhimo pariho han ganggang hin kopa, pariho hin bukad nga liryo. Maeksakto dida ha surudlan an* 3,000 ka bat* nga tubig.  Dugang pa, naghimo hiya hin napulo nga planggana para ha paghugas ngan iginbutang an lima ha too ngan an lima ha wala.+ Ira ginhuhugasan dida hito an mga butang nga gin-gagamit para ha halad nga sinunog.+ Pero an Dagat* gin-gagamit han mga saserdote ha paghunaw ngan paghimsaw.+  Katapos, naghimo hiya hin napulo nga burutangan han lampara nga bulawan,+ uyon ha instruksyon,+ ngan iginbutang ito ha templo, lima ha too ngan lima ha wala.+  Naghimo liwat hiya hin napulo nga lamesa ngan iginbutang ito ha templo, lima ha too ngan lima ha wala;+ ngan naghimo hiya hin 100 nga yahong nga bulawan.  Katapos, ginhimo niya an bungsaran+ han mga saserdote+ ngan an haluag nga bungsaran+ ngan an mga purtahan han bungsaran, ngan iya ginhaklapan hin tumbaga an mga purtahan hito. 10  Ngan iginbutang niya an Dagat* ha too nga dapit, nga naatubang ha sur-este.+ 11  Ginhimo liwat ni Hiram an mga surudlan han abo, an mga pala, ngan an mga yahong.+ Salit nahuman ni Hiram an buruhaton nga iya ginbuhat para kan Hadi Solomon ha balay han tinuod nga Dios:+ 12  an duha nga harigi+ ngan an mga ulo-ulo nga yahong an kurti nga aada ha bawbaw han duha nga harigi; an duha nga disenyo nga pariho hin pukot+ basi dekorasyonan an duha nga ulo-ulo nga yahong an kurti nga aada ha bawbaw han mga harigi; 13  an 400 nga prutas nga granada+ para ha duha nga disenyo nga pariho hin pukot, duha ka rumbay nga mga prutas nga granada para ha tagsa nga disenyo nga pariho hin pukot, basi dekorasyonan an duha nga ulo-ulo nga yahong an kurti nga aada bawbaw han mga harigi;+ 14  an napulo nga kariton* ngan an napulo nga planggana ha mga kariton;+ 15  an Dagat* ngan an 12 nga todo nga baka ha ilarom hito;+ 16  ngan an mga surudlan han abo, an mga pala,+ an mga iturugsok, ngan an ngatanan nira nga garamiton nga ginhimo ni Hiram-abiv+ tikang ha tumbaga ngan iya ginhamis ngan ginpainggat para kan Hadi Solomon para ha balay ni Jehova. 17  Ginhurma ito han hadi didto ha distrito han Jordan ha madakmol nga lapok butnga han Sucot+ ngan Zereda. 18  Ginhimo ni Solomon ini ngatanan nga garamiton nga sobra kadamu; waray hibaroi an kabug-aton han tumbaga.+ 19  Ginhimo ni Solomon an ngatanan nga garamiton+ para ha balay han tinuod nga Dios: an halaran nga bulawan;+ an mga lamesa+ nga may halad nga tinapay dida hito;+ 20  an mga burutangan han lampara ngan an mga lampara hito nga puro nga bulawan,+ basi palagahon ha atubangan han gisusuluri nga kwarto uyon ha mga ginkikinahanglan; 21  ngan an mga bukad, an mga lampara, ngan an mga kimpit, nga hinimo ha bulawan, ha pinakapuro nga bulawan; 22  an mga panparong, an mga yahong, an mga kopa, ngan an mga insensaryo, nga puro nga bulawan; ngan an aragian tipasulod ha balay, an mga sulod nga purtahan hito para ha Pinakabaraan,+ ngan an mga purtahan han balay ha templo, nga hinimo ha bulawan.+

Mga footnote

Ha Ingles, copper.
Daku nga surudlan hin tubig.
Daku nga surudlan hin tubig.
Daku nga surudlan hin tubig.
Mga 7.4 cm (2.9 in.). Kitaa an Ap. B14.
O “An kapasidad hito.”
An usa ka bat katugbang han 22 L (5.81 gal). Kitaa an Ap. B14.
Daku nga surudlan hin tubig.
Daku nga surudlan hin tubig.
O “mga kariton han tubig.”
Daku nga surudlan hin tubig.