An Ikaduha nga Libro han mga Cronicas 2:1-18

  • Pangandam ha pagtukod han templo (1-18)

2  Yana hi Solomon nagsugo nga magtukod hin balay para ha ngaran ni Jehova+ ngan hin balay* para ha iya ginhadian.+  Hi Solomon nagpili hin 70,000 ka tawo sugad nga mga trabahador,* 80,000 ka tawo sugad nga mga paratabas hin bato ha kabukiran,+ ngan 3,600 sugad nga nagdudumara ha ira.+  Dugang pa, hi Solomon nagpadara hin mensahe kan Hiram+ nga hadi han Tiro: “Buhata para ha akon an sugad han imo ginbuhat para kan David nga akon tatay han nagpadara ka ha iya hin kahoy nga sedro basi magtukod hin balay* nga urukyan.+  Yana nagtutukod ako hin balay para ha ngaran ni Jehova nga akon Dios, basi baraanon ito para ha iya, basi magsunog hin mahamot nga insenso+ ha iya atubangan, ngan para liwat ha inadlaw nga ginturungbaw nga tinapay*+ ngan han mga halad nga sinunog, ha aga ngan ha pagsirom,+ ha mga Sabbath,+ ha mga dulom,+ ngan ha mga panahon han piyesta+ ni Jehova nga amon Dios. Nagpapadayon ini nga obligasyon para ha Israel.  An balay nga akon gintutukod magigin maopay, kay an amon Dios mas harangdon kay han ngatanan nga iba pa nga dios.  Ngan hin-o an may kapas ha pagtukod hin balay para ha iya? Kay an langit, bisan an hitaas nga langit diri igo an kadaku basi magin iya urukyan,+ salit hin-o ako nga magtutukod ako ha iya hin balay labot la kon para ha pagpaaso hin mga halad ha iya atubangan?  Yana pagsugo ngadi ha akon hin eksperto nga parahimo nga maopay gud magtrabaho hin bulawan, silber, tumbaga,*+ puthaw, de-lana nga inulang nga purpura,* inulang nga krimson, ngan inulang nga asul ngan maaram mag-ukit. Magtatrabaho hiya ha Juda ngan ha Jerusalem kaupod han akon mga eksperto nga parahimo nga igintagana han akon tatay nga hi David.+  Ngan pagpadara ngadi ha akon hin mga kahoy nga sedro, abeto,+ ngan algum+ nga tikang ha Lebanon, kay maaram gud ako nga an imo mga surugoon eksperyensyado ha pamulod hin mga kahoy han Lebanon.+ An akon mga surugoon magtatrabaho upod han imo mga surugoon+  basi mag-andam para ha akon hin damu hinduro nga kahoy, kay an balay nga akon tutukuron magigin maopay hinduro. 10  Yana kitaa! Ako an magsusuplay hin pagkaon para ha imo mga surugoon,+ an mga parapamulod nga namumulod hin mga kahoy: 20,000 ka cor* nga trigo, 20,000 ka cor nga sebada, 20,000 ka bat* nga bino, ngan 20,000 ka bat nga lana.” 11  Salit hi Hiram nga hadi han Tiro nagpadara hini nga sinurat nga mensahe ngadto kan Solomon: “Tungod kay hinigugma ni Jehova an iya katawohan, ginhimo ka niya nga ira hadi.” 12  Katapos, hi Hiram nagsiring: “Hinaot dayawon hi Jehova, an Dios han Israel, nga naghimo han langit ngan han tuna, kay naghatag hiya kan Hadi David hin maaramon nga anak,+ nga may kaaram ngan pagsabot,+ nga magtutukod hin balay para kan Jehova ngan hin balay para ha iya ginhadian. 13  Yana magsusugo ako ngada hin eksperto nga parahimo nga may pagsabot, hi Hiram-abi,+ 14  nga anak nga lalaki hin Danita nga babaye pero an iya tatay taga-Tiro; may eksperyensya hiya ha pagtrabaho hin mga bulawan, silber, tumbaga, puthaw, mga bato, mga kahoy, de-lana nga inulang nga purpura, inulang nga asul, maopay nga klase hin tela, ngan inulang nga krimson.+ Nahihimo niya an ngatanan nga klase hin pag-ukit ngan nahihimo niya an bisan ano nga disenyo nga ihatag ha iya.+ Magtatrabaho hiya kaupod han imo mga eksperto nga parahimo ngan han mga eksperto nga parahimo han akon ginoo nga hi David nga imo tatay. 15  Yana ipadara unta han akon ginoo an trigo, sebada, lana, ngan bino, nga iya iginsaad ha iya mga surugoon.+ 16  Ngan mamumulod kami hin mga kahoy tikang ha Lebanon,+ sugad kadamu han imo ginkikinahanglan, ngan dadad-on namon ito ha imo sugad nga mga balsa nga igbibiyahe ha dagat ngadto ha Jope;+ ngan ikaw an magdadara hito ngadto ha Jerusalem.”+ 17  Katapos, gin-ihap ni Solomon an ngatanan nga tawo nga dayo nga residente ha tuna han Israel,+ sugad han pagsensus nga ginhimo ni David nga iya tatay,+ ngan may naagian nga 153,600. 18  Salit iya igintoka an 70,000 ha ira sugad nga mga trabahador,* an 80,000 sugad nga paratabas hin bato+ ha kabukiran, ngan an 3,600 sugad nga nagdudumara han pagpatrabaho ha mga tawo.+

Mga footnote

O “palasyo.”
O “sugad nga mga paragpas-an.”
O “palasyo.”
Karuyag sidngon, an halad nga tinapay.
Ha Ingles, copper.
Ha Ingles, purple.
An usa ka cor katugbang han 220 L. Kitaa an Ap. B14.
An usa ka bat katugbang han 22 L (5.81 gal). Kitaa an Ap. B14.
O “sugad nga mga paragpas-an.”