Psalm 98:1-9

  • Jehovah, hem Savior and raeteous Judge

    • Jehovah showimaot finis wanem hem duim for sevem man (2, 3)

Wanfala singsing. 98  Singim wanfala niu song lo Jehovah,+Bikos hem bin duim olketa nambawan samting.+ Raet hand blo hem, holy arm blo hem bin sevem man.*+  2  Jehovah showimaot finis wanem hem savve duim for sevem man,+Hem showimaot raeteous wei blo hem front lo olketa nation.+  3  Hem tingim bak loyal love* blo hem, and faithful fasin blo hem for pipol* lo Israel.+ Evri farawe ples lo earth lukim finis hao God blo iumi hem sevem man.*+  4  Singaot witim hapi lo Jehovah, iufala evriwan lo earth. Iufala mas hapi and singaot witim hapi and singsing for praisem* hem.+  5  Singsing for praisem* Jehovah witim harp,Witim harp and song wea here naes.  6  Witim olketa trumpet and saond blo horn,+Singaot witim hapi front lo datfala King, Jehovah.  7  Sea and evri samting wea stap insaed mas mekem bigfala noes,And earth tu* and pipol wea stap lo hem.  8  Olketa river mas klapem hand blo olketa,Olketa maunten mas singaot witim hapi tugeta+  9  Front lo Jehovah, bikos hem kam* nao for judgem earth. Hem bae judgem pipol wea stap lo earth* witim raeteous fasin+And olketa pipol witim stretfala wei.+

Olketa footnote

^ Or, “mekem hem for winim faet.”
^ Or, “haos.”
^ Or, “hao God blo iumi win lo faet.”
^ Lukim “Loyal love” lo Dictionary.
^ Or, “pleim music for.”
^ Or, “Pleim music for.”
^ Or, “datfala gud land.”
^ Or, “kam finis.”
^ Or, “datfala gud land.”

Copyrights for disfala pablikeson