Psalm 93:1-5

  • Nambawan rul blo Jehovah

    • “Jehovah hem kamap King!” (1)

    • “Man fit for trustim olketa reminder blo iu” (5)

93  Jehovah hem kamap King!+ Bigfala paoa blo hem olsem kaleko raonem hem,Strong blo Jehovah hem olsem kaleko raonem hem,Hem werem olsem wanfala belt. Hem putim earth* for stap strong,No eni samting savve muvim.*  2  Lo bifor kam yet throne blo iu hem stap strong,+From bifor kam iu stap finis.+  3  O Jehovah, olketa river olketa ran strong,Olketa river olketa ran strong and mek noes,Olketa river gohed ran strong and mekem bigfala noes.  4  Bat iu O Jehovah, lo heven iu nao barava nambawan,+Iu garem bigfala paoa winim noes blo bigfala wata,Bigfala paoa blo iu hem winim go moa olketa maeti wave lo sea wea brek.+  5  Man fit for trustim olketa reminder blo iu.+ O Jehovah, haos blo iu+ hem luk naes and hem holy evritaem.

Olketa footnote

^ Or, “gudfala land.”
^ Or, “mekem hem seksek.”

Copyrights for disfala pablikeson