Psalm 7:1-17
-
Jehovah hem wanfala raeteous Judge
-
“Judgem mi, O Jehovah” (8)
-
Singsing blo sorre, wea David singim lo Jehovah abaotem olketa toktok wea Cush, datfala Benjaminite hem talem.
7 O Jehovah, God blo mi, mi kam lo iu for stap sef.+
Sevem mi from evriwan wea persecutim mi and iu rescuem mi.+
2 Nogud bae olketa kam tearem mi lo olketa smol pis, olsem wanfala lion savve duim,+And tekem mi go and no eniwan for rescuem mi.
3 O Jehovah, God blo mi, sapos diswan hem fault blo mi,Sapos mi nao duim samting wea no followim justice,
4 Sapos mi nao duim nogud samting lo man wea duim gud samting lo mi,+Or sapos mi nao tekem samting from enemy blo mi and no eni reason for duim olsem,
5 Then letem enemy aftarem mi and kasholem mi.
Hem nao bae stepim go daon laef blo mi lo graonAnd mekem glory blo mi for lus insaed lo dust. (Selah)
6 O Jehovah, plis, getap and showim kros blo iu.
Standap againstim olketa enemy blo mi wea kros.+
Wekap for helpem mi, and givim komand mekem justice hem stap.+
7 Olketa nation bae kam raonem iu,And from hae ples blo iu, bae iu duim samting againstim olketa.
8 Jehovah bae givim judgment lo olketa pipol.+
Judgem mi, O Jehovah, followim wei wea mi raeteousAnd followim wei wea mi faithful.+
9 Plis iu finisim olketa nogud samting wea wicked pipol duim.
Bat mekem gogo blo raeteous man hem strong,+Bikos iu God wea raeteous,+ wea lukluk lo olketa heart,+ and lo olketa feeling wea stap deep insaed lo man.*+
10 God hem shield blo mi,+ hem Savior blo olketa wea heart blo olketa hem stret.+
11 God hem wanfala raeteous Judge,+And God talemaot olketa judgment* blo hem evriday.
12 Sapos eniwan bae no repent,+ Hem sharpenem sword blo hem.+
Hem bendim bow blo hem and redi for sut.+
13 Hem redyim olketa weapon blo hem for killim man dae.
Hem redyim olketa arrow blo hem wea fire laet lo hem.+
14 Lukim man wea planim nogud samting,*Hem babule witim trabol and bornem olketa laea samting.+
15 Hem digim wanfala hol wea deep tumas,Bat hem foldaon insaed datfala hol wea hemseleva digim.+
16 Trabol wea hem kosim bae kam bak spoelem hem.*+
Raf fasin wea hem duim bae kam bak lo hem.
17 Mi bae praisem Jehovah bikos lo justice fasin blo hem,+Mi bae singsing for praisem* nem blo Jehovah,+ datfala Most Hae.+
