Psalm 8:1-9

  • Glory blo God and honor wea man kasem

    • “Nem blo iu hem nambawan!” (1, 9)

    • “Why nao iu tingim man wea savve dae nomoa?” (4)

    • Mekhae lo hem witim honor (5)

For director, for followim tune hia Gittith.* Singsing blo David. 8  O Jehovah, Lord blo mifala, lo full earth nem blo iu hem nambawan. Iu putim glory blo iu for hem barava hae winim skae!+  2  Bikos lo olketa enemy blo iuToktok wea kamaot from mouth blo olketa pikinini and olketa baby+ hem showimaot strong blo iu,Mekem enemy and man for pei bak no talem eni samting.  3  Taem mi lukim skae* wea iu wakem lo olketa finger blo iu,Moon and olketa star wea iu redyim,+  4  Mi tingting olsem, why nao iu tingim man wea savve dae nomoa,And wanfala son blo man wea iu nao lukaftarem hem?+  5  Iu mekem hem lelebet low lo olketa wea olsem god,*And iu mekhae lo hem witim glory and honor.  6  Iu givim hem paoa ovarem olketa samting wea iu wakem lo hand blo iu,+Iu putim evri samting hia andanit foot blo hem:  7  Evri sheepsheep and olketa buluka,Witim tu olketa wild animal,*+  8  Olketa bird lo skae and olketa fish lo sea,Eni samting wea swim lo sea.  9  O Jehovah, Lord blo mifala, lo full earth nem blo iu hem nambawan!

Olketa footnote

^ Lukim “Gittith” lo Dictionary.
^ Lit., “heven.”
^ Or, “winim olketa angel.”
^ Lit., “olketa wild animal lo open ples.”

Copyrights for disfala pablikeson