Psalm 103:1-22
Blo David.
103 Mi mas praisem Jehovah,Evri samting insaed lo mi mas praisem holy nem blo hem.
2 Mi mas praisem Jehovah,Bae mi mas no forgetim evri samting wea hem bin duim.+
3 Hem forgivim evri rong wea iu duim+And healim evri sik blo iu.+
4 Hem tekem bak laef blo iu from datfala hol*+And putim loyal love* and mercy blo hem olsem kraon lo iu.+
5 Lo full laef blo iu hem mekem iu satisfae witim olketa gud samting,+For mekem young laef blo iu hem kamap niu moa olsem blo eagle.+
6 Jehovah duim samting lo wei wea raeteous+ and followim justiceFor evriwan wea pipol treatim nogud.+
7 Hem showimaot olketa wei blo hem lo Moses,+And olketa samting wea hem duim lo olketa son blo Israel.+
8 Jehovah hem garem bigfala mercy and hem tingim* man,+Hem no savve kros kwiktaem and loyal love blo hem big tumas.+
9 Bae hem no evritaem lukaotem mistek blo olketa,+And bae hem no keepim kros blo hem for olowe.+
10 Hem no panisim iumi fitim sin wea iumi duim,+And hem no pei bak lo iumi fitim olketa mistek iumi duim.+
11 Lo sem wei wea heven hem hae winim earth,So loyal love blo hem for olketa wea fraet lo hem tu hem big tumas.+
12 Lo sem wei wea sunrise hem farawe from sunset,So hem putim olketa sin wea iumi duim farawe from iumi.+
13 Olsem dadi hem showim mercy lo olketa son blo hem,Jehovah hem showim mercy lo olketa wea fraet lo hem.+
14 Bikos hem savve gud lo hao hem wakem iumi,+Hem tingim dat iumi dust nomoa.+
15 Bat man wea savve dae, laef blo hem short nomoa olsem grass,+Hem olsem flaoa wea open lo open ples.+
16 Bat taem wind blow, hem lus nao,Hem olsem hem no stap nomoa lo there.*
17 Bat loyal love blo Jehovah hem stap for oloweFor olketa wea fraet lo hem,+And raeteous fasin blo hem for olketa genereson wea kam bihaen,+
18 For olketa wea keepim covenant blo hem+And for olketa wea barava obeyim olketa rul blo hem.
19 Jehovah hem putim throne blo hem stap strong lo heven,+And from hem king hem rul ovarem evri samting.+
20 Praisem Jehovah, iufala evri angel blo hem,+ wea garem bigfala paoa,Wea followim toktok blo hem,+ and obeyim voice blo hem.*
21 Praisem Jehovah, iufala evri army blo hem,+Iufala olketa wakaman blo hem wea duim will blo hem.+
22 Praisem Jehovah, iufala evri samting wea hem wakem,Lo evri ples wea hem rulim.
Full heart blo mi bae praisem Jehovah.
