Psalm 77:1-20
For director. Followim tune hia Jeduthun.* Blo Asaph.+ Wanfala singsing.
77 Witim voice blo mi bae mi krae go lo God,Bae mi krae go lo God and bae hem herem mi.+
2 Lo day wea mi kasem trabol mi lukaotem help from Jehovah.+
Lo naet mi gohed apim hand blo mi go lo hem and no stop.
No eniwan savve comfortim mi.
3 Taem mi tingim bak God, mi krae.+
Mi wari and strong blo mi hem go daon.+ (Selah)
4 Iu gohed openem eye blo mi,Mi feel nogud tumas and no savve toktok nao.
5 Mi ting go bak lo olketa taem bifor kam,+Lo olketa year bifor wea go pas finis.
6 Lo naet mi tingim bak song blo mi,+Mi ting raonem insaed heart blo mi,+Mi barava trae hard for minim gud.
7 Hao, Jehovah bae rejectim iumi for olowe?+
Hao, bae no enitaem moa hem kaen lo iumi?+
8 Hao, bae hem stop nao for showim loyal love* blo hem?
Hao, bae hem no fulfillim nao promis blo hem for evri genereson wea bae kam?
9 Hao, God forget nao for kaen lo iumi,+Or hao, kros blo hem mekem hem stop nao for showim mercy? (Selah)
10 Mi gohed tok olsem: “Samting wea mekem mi feel nogud* hem olsem:+
Datfala Most Hae no sapotim iumi nao.”
11 Bae mi tingim bak olketa waka blo Jah,Bae mi tingim bak olketa nambawan samting wea iu duim lo taem bifor.
12 And bae mi ting raonem evri waka blo iuAnd ting raonem olketa samting wea iu duim.+
13 O God, olketa samting iu duim hem holy.
No eni god hem barava hae olsem iu, O God.+
14 Iu nao datfala tru God, wea duim olketa samting wea mekem man sapraes.+
Iu bin showim strong blo iu lo olketa pipol.+
15 Iu iusim paoa* blo iu for rescuem* pipol blo iu,+Olketa son blo Jacob and blo Joseph. (Selah)
16 O God, olketa wata lukim iu.
Olketa wata lukim iu and olketa fraet.+
And olketa deep wata start for seksek nao.
17 Olketa cloud pourim wata kam daon.
Thunder bosta kam from olketa cloud lo skae,And olketa arrow blo iu flae evriwea.+
18 Noes blo thunder blo iu+ hem olsem noes blo olketa wheel blo chariot.
Laetning wea strike mekem full earth* for braet.+
Earth hem fraet and seksek.+
19 Road wea iu followim hem go thru lo datfala sea,+Iu wakabaot go thru lo olketa wata,Bat no eniwan fit for lukim footprint blo iu.
20 Iu leadim pipol blo iu olsem olketa sheepsheep nomoa,+Anda lo kea* blo Moses and Aaron.+
