Psalm 135:1-21
135 Praisem Jah!*
Praisem nem blo Jehovah.
Iufala olketa servant blo Jehovah, praisem hem,+
2 Iufala wea standap insaed haos blo Jehovah,Insaed olketa courtyard lo haos blo God blo iumi.+
3 Praisem Jah, bikos Jehovah hem gud.+
Singsing for praisem* nem blo hem, bikos hem gud tumas.
4 Bikos Jah hem chusim Jacob finis for hem,Israel for kamap spesol pipol blo hem.*+
5 Bikos mi savve dat Jehovah hem garem bigfala paoaLord blo iumi hem barava hae winim evri nara god.+
6 Jehovah duim evri samting wea hem hapi for duim+Lo heven and lo earth, insaed sea and lo evri deep ples.
7 Hem kosim olketa cloud* for go ap from evri ples lo earth.
Hem mekem laetning for kam witim* rain.
Hem tekem aot wind from olketa stoahaos blo hem.+
8 Hem killim dae firstborn blo olketa lo Egypt,Blo olketa man and animal.+
9 Hem mekem olketa saen and olketa mirakol midolwan lo iu, O Egypt,+Againstim Pharaoh and evri servant blo hem.+
10 Hem distroem staka nation+And killim dae olketa king wea garem paoa+
11 Olsem Sihon, king blo olketa Amorite,+Og wea hem king blo Bashan,+And evri kingdom lo Canaan.
12 Hem givim land blo olketa olsem inheritance,Inheritance for pipol blo hem Israel.+
13 O Jehovah, nem blo iu stap for olowe.
O Jehovah, pipol bae tingim iu* lo evri genereson.+
14 Bikos Jehovah bae defendim* pipol blo hem,+And hem bae feel sorre lo olketa servant blo hem.+
15 Olketa idol blo olketa nation hem silver and gold,Man nomoa wakem.+
16 Olketa garem mouth, bat olketa no savve toktok.+
Eye, bat olketa no savve lukluk.
17 Olketa garem ear, bat olketa no savve herehere.
No eni brith lo mouth blo olketa.+
18 Pipol wea wakem olketa bae olsem olketa tu,+Witim tu evriwan wea trustim olketa.+
19 O pipol blo Israel, praisem Jehovah.
O famili blo Aaron, praisem Jehovah.
20 O famili blo Levi, praisem Jehovah.+
Iufala wea fraet lo Jehovah, praisem Jehovah.
21 Jehovah mas kasem praise from Zion,+Hem Man wea stap lo Jerusalem.+
Praisem Jah!+
