Psalm 15:1-5

  • Hu nao savve kamap guest lo tent blo Jehovah?

    • “Lo heart blo hem, hem honest lo wanem hem talem” (2)

    • Hem no laea for spoelem nem blo narawan (3)

    • “Hem keepim promis wea hem mekem nomata taem datwan no isi” (4)

Singsing blo David. 15  O Jehovah, hu nao savve kamap guest lo tent blo iu? Hu nao hem savve stap lo holy maunten blo iu?+  2  Hem man wea no garem blame* lo samting wea hem duim,+Hem evritaem duim samting wea stret+And lo heart blo hem, hem honest lo wanem hem talem.+  3  Hem no iusim tongue blo hem for laea for spoelem nem blo narawan,+Hem no duim nogud samting lo neiba blo hem,+And hem no tok nogud abaotem* olketa fren blo hem.+  4  Hem rejectim eniwan wea wei blo hem nogud,+Bat hem honorim olketa wea fraet lo Jehovah. Hem keepim promis* wea hem mekem nomata taem datwan no isi for hem.+  5  Hem no askem interest lo selen wea narawan kaonem,+And hem no acceptim bribe for spoelem man wea innocent.+ Eniwan wea duim olketa samting hia, no eni samting bae mekem hem seksek.*+

Olketa footnote

^ Or, “wea faithful.”
^ Or, “mek shame lo.”
^ Or, “oath.” Lukim “Oath” lo Dictionary.
^ Or, “bae mekem hem finis.”

Copyrights for disfala pablikeson