Psalm 59:1-17
For director. For pleim followim tune hia “No Distroem Mi.” Blo David. Miktam.* Taem Saul sendem samfala man for go watchim haos blo David for killim hem dae.+
59 O God blo mi, sevem mi from olketa enemy blo mi.+
Protectim mi from olketa wea kam for againstim mi.+
2 Rescuem mi from olketa wea duim wicked samting,And sevem mi from olketa raf man.*
3 Lukim! Olketa haed and weit for attakim mi.+
Olketa strong man attakim miBat hem no bikos mi bighed or mi duim eni sin,+ O Jehovah.
4 Nomata mi no duim eni rong samting, olketa kwiktaem and redi for attakim mi.
Plis iu getap taem mi singaot go lo iu and lukim wanem olketa duim.
5 Bikos iu, O Jehovah God, komanda blo olketa army, iu nao God blo Israel.+
Iu wekap and duim samting lo evri nation.
No showim mercy lo eniwan wea tane raon and spoelem fren blo hem.+ (Selah)
6 Olketa kam bak evri evening,+Olketa singaot* olsem olketa dog+ and go kwaet raonem datfala taon.+
7 Lukim samting wea kamaot from mouth blo olketa.
Lips blo olketa hem olsem olketa sword,+Bikos olketa sei: “Hu nao bae herem wanem iumi talem?”+
8 Bat iu, O Jehovah, bae laf lo olketa,+Iu bae mekfani lo evri nation.+
9 O God blo mi, iu nao Strong blo mi, bae mi gohed lukluk lo iu.+
Bikos iu nao sef ples blo mi.*+
10 God wea showim loyal love* lo mi bae kam for helpem mi.+
God bae mekem mi for lukim taem olketa enemy blo mi distroe.+
11 No killim olketa, mekem pipol blo mi no forgetim olketa samting wea iu bin duim.
Witim paoa blo iu, mekem olketa for go stap olobaot.
Iu daonem olketa, O Jehovah, shield blo mifala.+
12 Bikos olketa sin lo samting wea olketa talem, lo lips blo olketa,Praod fasin blo olketa bae trapim olketa,+Bikos olketa cursim pipol and laea lo wanem olketa talem.
13 Lo kros blo iu, finisim olketa,+Finisim olketa, mekem olketa no stap moa,Iu mekem olketa savve, dat God hem rul ovarem olketa lo laen blo Jacob, and lo evri ples lo earth.+ (Selah)
14 Letem olketa kam bak evri evening,Letem olketa singaot* olsem olketa dog and go kwaet raonem datfala taon.+
15 Letem olketa go olobaot for faendem samting for kaikaim.+
No letem olketa for satisfae or faendem ples for stap.
16 Bat mi, bae mi singsing abaotem strong blo iu.+
Lo morning bae mi hapi for story abaotem loyal love blo iu.
Bikos iu nao sef ples blo mi+And ples for mi ran go lo hem, lo taem mi kasem trabol.+
17 O God blo mi, iu nao Strong blo mi, bae mi singsing for praisem iu,+Bikos iu nao sef ples blo mi, datfala God wea showim loyal love lo mi.+
