Psalm 51:1-19
For director. Singsing blo David abaotem taem wea profet Nathan kam lo David, bihaen hem sleep witim Bath-sheba.+
51 O God, bikos lo loyal love* blo iu,+ plis iu kaen lo mi.
Rabemaot olketa mistek blo mi, bikos lo bigfala mercy blo iu.+
2 Barava wasim mi from rong blo mi,+And klinim mi from sin blo mi.+
3 Bikos mi luksavve lo olketa mistek blo mi,And sin blo mi evritaem stap front lo mi.*+
4 Iu nao mi sin againstim, no eni narawan moa.*+
Samting wea nogud lo eye blo iu nao mi duim.+
So iu bae pruvim dat iu raeteous taem iu story,And judgment iu talem hem stret.+
5 Lukim! Taem mi born mi guilty finis lo rong samting,And mi sin finis taem mami blo mi babule witim mi.*+
6 Lukim! Iu hapi lo tru samting wea stap insaed heart blo man,+Teachim heart blo mi* for savve lo tru wisdom.
7 Iusim hyssop plant for klinim mi from sin blo mi, mekem mi bae kamap klin,+Wasim mi, mekem mi bae kamap white winim snow.+
8 Iu mekem mi herem noes blo olketa wea hapi and feel gud,Mekem olketa bon wea iu smasem bae hapi.+
9 Tanem go feis blo iu* from olketa sin blo mi,+And waepem aot* evri rong blo mi.+
10 O God, iu mekem mi for garem heart wea klin,+And putim insaed lo mi wanfala niu spirit,+ datwan wea stap strong.
11 No raosem mi aot from iu,And no tekem aot holy spirit blo iu from mi.
12 Iu mekem mi for kasem bak datfala hapi, wea mi kasem taem iu sevem mi,+Iu mekem mi willing for obeyim iu.*
13 Mi bae teachim pipol wea duim rong samting for followim wanem iu laekem,+Mekem olketa wea duim sin bae kam bak lo iu.
14 O God, datfala God wea sevem mi,+ iu sevem mi from mi bloodguilty,+Mekem tongue blo mi savve hapi for talemaot raeteous wei blo iu.+
15 O Jehovah, openem lips blo mi,Mekem mouth blo mi savve talemaot samting for praisem iu.+
16 Bikos iu no laekem wanfala sakrifaes, sapos nomoa bae mi givim lo iu,+And iu no hapi tu lo wanfala burnt offering.*+
17 Olketa sakrifaes wea God hapi lo hem, hem nao taem man sorre lo rong wea hem duim,Heart wea brek and pisis, O God, bae iu no rejectim.*+
18 From kaenfala fasin blo iu, duim wanem hem gud for Zion,Buildim bak olketa wall blo Jerusalem.
19 Then, bae iu hapi lo olketa sakrifaes wea man offerim witim raeteous fasin,Olketa burnt offering and olketa offering wea hem full wan,Then, pipol bae offerim olketa bull antap lo altar blo iu.+
Olketa footnote
^ Lukim “Loyal love” lo Dictionary.
^ Or, “lo mind blo mi.”
^ Lit., “only iu nomoa.”
^ Or, “And mi sin finis start from taem mami babule witim mi.”
^ Or, “deep insaed lo mi.”
^ Or, “Haedem feis blo iu.”
^ Or, “rabemaot.”
^ Lit., “Iu nao bae sapotim mi for garem wanfala willing spirit.”
^ Lukim “Burnt offering” lo Dictionary.
^ Or, “no les lo hem.”
