Psalm 137:1-9
137 Saed lo olketa river lo Babylon,+ mifala sidaon.
Mifala krae taem mifala tingim Zion.+
2 Mifala hangem olketa harp blo mifala,+Lo olketa poplar tree midolwan lo hem.*
3 Lo there, olketa wea tekem mifala go prisoner askem mifala for singim wanfala song,+Olketa wea mekfani lo mifala laekem mifala for mekem olketa laflaf, and sei:
“Singim wanfala lo olketa song blo Zion for mifala.”
4 Bat mifala no savve singim song blo JehovahLo difren kantri.
5 O Jerusalem, sapos mi forgetim iu,Letem raet hand blo mi no duim eniting.*+
6 Letem tongue blo mi pas lo ruf blo mouth blo miSapos mi no tingim iu,Sapos mi no ting lo JerusalemOlsem nambawan samting wea mekem mi barava hapi.+
7 Tingim, O Jehovah,Wanem olketa Edomite talem lo day wea Jerusalem foldaon, olketa sei:
“Brekem daon! Brekem daon go kasem faondeson blo hem!”+
8 O dota blo Babylon, wea klosap for distroe,+Man wea rewardim iu bae hem hapiLo nogud wei wea iu bin duim lo mifala.+
9 Man wea tekem olketa pikinini blo iu bae hem hapiAnd smasem olketa againstim olketa rock.+
