Psalm 97:1-12
97 Jehovah hem kamap King!+
Earth mas hapi.+
Evri island mas hapi.+
2 Olketa cloud and dark cloud olketa evriwea raonem hem,+Wei wea hem raeteous and justice nao faondeson blo throne blo hem.+
3 Fire go firstaem lo hem+And bonem olketa enemy blo hem lo evri saed.+
4 Laetning blo hem mekem datfala land hem braet,Earth lukim datwan and hem seksek.+
5 Olketa maunten melt olsem wax* front lo Jehovah,+Front lo Lord blo full earth.
6 Skae talemaot raeteous wei blo hem,And evri pipol lukim glory blo hem.+
7 Evriwan wea worshipim idol bae shame,+Olketa hia wea tok praod abaotem olketa iusles god blo olketa.+
Iufala evri god, baodaon lo* hem.+
8 Zion herem and hem hapi,+Olketa taon* blo Judah olketa hapi fogudBikos lo olketa judgment blo iu, O Jehovah.+
9 Bikos iu O Jehovah, iu nao Most Hae ovarem full earth,Pipol mekhae lo iu winim evri nara god.+
10 Iufala wea lovem Jehovah, heitim nogud samting.+
Hem protectim laef blo olketa loyal wan blo hem,+Hem rescuem olketa from hand* blo wicked pipol.+
11 Laet hem shaen aot lo olketa wea raeteous+And olketa wea garem gudfala heart olketa hapi.
12 Iufala wea raeteous, iufala hapi lo Jehovah,And talem thankiu lo holy nem blo hem.
