Psalm 143:1-12
Singsing blo David.
143 O Jehovah, herem prea blo mi,+Lisin lo prea blo mi for help.
From iu faithful and iu raeteous, iu ansarem mi.
2 No tekem servant blo iu lo kot,Bikos no eni man wea stap laef hem raeteous front lo iu.+
3 Bikos enemy aftarem mi,Hem daonem laef blo mi lo graon.
Hem mekem mi for stap lo darkness olsem olketa wea dae longtaem finis.
4 Tingting* blo mi hem gogo daon,+Heart blo mi hem numb insaed lo mi.+
5 Mi tingim bak olketa day bifor kam,Mi ting raonem evri samting wea iu duim,+Mi laekem tumas for ting abaotem* olketa waka wea hand blo iu duim.
6 Mi openem hand blo mi go lo iu.
Mi thirsty for iu, olsem land wea drae wea needim rain.+ (Selah)
7 O Jehovah, kwiktaem ansarem mi.+
Strong* blo mi hem kasem end nao.+
No haedem feis blo iu from mi,+Nogud mi olsem olketa wea go daon insaed lo hol.*+
8 Plis iu mekem mi herem loyal love* blo iu lo morning,Bikos mi trustim iu.
Iu showim lo mi wei for mi followim,+Bikos iu nao mi tane go lo iu.
9 O Jehovah, rescuem mi from olketa enemy blo mi.
Mi kam lo iu for protectim mi.+
10 Teachim mi for duim will blo iu,+Bikos iu nao God blo mi.
Spirit blo iu hem gud,Iu iusim for leadim mi lo graon wea level.*
11 O Jehovah, iu keepim mi stap laef bikos lo nem blo iu.
From iu raeteous, iu rescuem mi from hard taem.+
12 Lo loyal love blo iu, finisim olketa enemy blo mi.+
Distroem evriwan wea spoelem mi,+Bikos mi nao servant blo iu.+
