Psalm 130:1-8

  • “From olketa deep ples mi kol go lo iu”

    • ‘Sapos mistek nomoa iu lukluk lo hem’ (3)

    • Taem Jehovah forgive, hem barava forgive nao (4)

    • “Mi patient for weit lo Jehovah” (6)

Song blo Olketa wea Go Ap. 130  From olketa deep ples mi kol go lo iu, O Jehovah.+  2  O Jehovah, herem voice blo mi. Letem ear blo iu lisin gud lo krae blo mi for help.  3  O Jah,* sapos iu lukluk nomoa lo* mistek blo mifala,Then hu nao fit for standap front lo iu, O Jehovah?+  4  Bikos taem iu forgive, iu barava forgive nao,+Mekem pipol savve fraet lo iu.+  5  Mi hope lo Jehovah, full heart blo mi hope lo hem. Mi weit for toktok blo hem.  6  Mi patient for weit lo Jehovah,+Winim nao olketa watchman wea weitim morning for kam,+Yes, winim nao olketa watchman wea weitim morning for kam.  7  Israel mas gohed weit lo Jehovah,Bikos Jehovah hem faithful for showim love blo hem,+Hem garem bigfala paoa for mekem pipol kamap free.  8  Hem bae mekem Israel kamap free from evri sin blo olketa.

Olketa footnote

^ “Jah” hem short form lo nem blo Jehovah.
^ Or, “kaontem.”

Copyrights for disfala pablikeson