Psalm 23:1-6

  • “Jehovah nao hem Shepherd blo mi”

    • “Bae mi no short lo eni samting” (1)

    • “Hem strongim mi” (3)

    • “Kap blo mi hem fulap gud” (5)

Singsing blo David. 23  Jehovah nao hem Shepherd blo mi.+ Bae mi no short lo eni samting.+  2  Hem mekem mi for leidaon lo ples wea garem staka grass. Hem leadim mi go for rest lo ples wea garem wata.*+  3  Hem strongim mi.+ Hem leadim mi for followim olketa road* blo raeteous fasin bikos lo nem blo hem.+  4  Nomata mi wakabaot lo valley wea dark fogud,+Mi no fraetem eni samting wea savve spoelem mi,+Bikos iu stap witim mi,+Stik blo iu and walking stik wea iu holem hem mekem mi feel sef.*  5  Iu redyim tebol for mi front lo olketa enemy blo mi.+ Iu putim* oil lo hed blo mi for mi strong bak.+ Kap blo mi hem fulap gud.+  6  Tru tumas, gudfala fasin and loyal love* bae followim mi lo evriday wea mi stap laef,+And bae mi stap lo haos blo Jehovah for full laef blo mi.+

Olketa footnote

^ Or maet, “klin wata.”
^ Or, “olketa smol road.”
^ Or, “comfortim mi.”
^ Or, “greasim.”
^ Lukim “Loyal love” lo Dictionary.

Copyrights for disfala pablikeson