Psalm 121:1-8

  • Jehovah gaedem pipol blo hem

    • “Help blo mi hem kam from Jehovah” (2)

    • Jehovah bae no enitaem hem sleep (3, 4)

Song blo Olketa wea Go Ap. 121  Mi luk go ap lo olketa maunten.+ Help blo mi bae kam from wea?  2  Help blo mi hem kam from Jehovah,+Man wea Wakem heven and earth.  3  Hem bae nating letem iu for foldaon.*+ Man wea gaedem iu bae nating laek for sleep.  4  Lukim! Hem bae no enitaem laek sleep or for hem sleep,Datfala Man wea gaedem Israel.+  5  Jehovah hem gaedem iu. Jehovah hem olsem wanfala shade+ lo raet hand blo iu for protectim iu.+  6  Lo daytaem sun bae no hotem iu,+Or datfala moon lo naet tu.+  7  Jehovah bae gaedem iu againstim evri nogud samting.+ Hem bae gaedem laef blo iu.+  8  Jehovah bae gaedem iu lo evri samting wea iu duim*Start distaem and for olowe.

Olketa footnote

^ Or, “finis.”
^ Lit., “taem iu go aot and taem iu kam insaed.”

Copyrights for disfala pablikeson