Psalm 91:1-16
91 Eniwan wea stap lo secret ples blo Most Hae+Bae stap andanit shadow blo datfala Olmaeti.+
2 Bae mi tok olsem lo Jehovah: “Iu nao sef ples and strongfala ples blo mi for haed,+God blo mi wea mi trustim.”+
3 Bikos bae hem rescuem iu from trap blo man for trapim bird,From datfala nogud sik wea savve killim dae man.
4 Bae hem kavarem iu witim olketa feather blo hem,And iu bae stap sef andanit olketa wing blo hem.+
Faithful fasin blo hem+ bae olsem wanfala big shield,+ and wanfala wall for protectim iu.*
5 Bae iu no fraetem eni samting lo naet wea savve mekem man fraet,+And olketa arrow wea flae lo daytaem,+
6 And nogud sik wea savve spred lo darkness,And olketa samting wea savve killim man lo midolday.
7 Wan thousand bae foldaon saed lo iuAnd ten thousand lo raet hand blo iu,Bat olketa samting hia bae no kam klosap lo iu.+
8 Bae iu lukim datwan lo eye blo iuTaem iu lukim panis wea kasem olketa wea wicked.
9 Bikos iu sei: “Jehovah nao hem sef ples blo mi,”Iu mekem datfala Most Hae hem kamap ples for iu stap lo hem.*+
10 No eni disaster bae kasem iu,+And no eni trabol bae kam klosap lo tent blo iu.
11 Bikos hem bae givim komand lo olketa angel blo hem,+For gaedem iu lo evri ples wea iu go.+
12 Olketa bae karem iu lo hand blo olketa,+Mekem iu no savve bangam foot blo iu lo ston.+
13 Bae iu step antap young lion and cobra,Bae iu stepim lion and big snek andanit foot blo iu.+
14 God hem sei: “From hem lovem mi,* bae mi rescuem hem.+
Bae mi protectim hem bikos hem savve lo nem blo mi.+
15 Bae hem kol kam lo mi, and bae mi ansarem hem.+
Bae mi stap witim hem lo taem blo trabol.+
Bae mi rescuem hem and honorim hem.
16 Bae mi mekem hem enjoyim longfala laef,+And bae mi mekem hem for lukim olketa samting mi duim for sevem man.”+
