Psalm 105:1-45
105 Talem thankiu lo Jehovah,+ singaot lo nem blo hem,Talemaot lo evri pipol olketa samting wea hem duim!+
2 Singsing for hem, singsing for praisem* hem,Ting raonem* evri nambawan samting wea hem duim.+
3 Mekhae lo holy nem blo hem.+
Olketa wea lukaotem Jehovah heart blo olketa hem hapi.+
4 Lukaotem Jehovah+ and strong blo hem.
Evritaem luk lo hem for help.
5 Tingim olketa nambawan waka wea hem bin duim,Olketa mirakol blo hem and olketa judgment wea hem talemaot,+
6 Iufala olketa pikinini* blo Abraham, servant blo hem,+Iufala olketa son blo Jacob, iufala wea hem chusim.+
7 Hem nao Jehovah, God blo iumi.+
Olketa judgment blo hem kasem evriwea lo earth.+
8 Hem tingim covenant blo hem for olowe,+Promis wea hem mekem,* go kasem wan thousand genereson,+
9 Datfala covenant wea hem bin mekem witim Abraham,+And promis* wea hem talem finis lo Isaac,+
10 Wea hem confirmim datwan lo Jacob olsem wanfala lawAnd hem wanfala covenant wea stap for olowe witim Israel,
11 Hem sei, “Bae mi givim lo iu datfala land lo Canaan+For iufala nao inheritim olsem share blo iufala.”+
12 Diswan hem lo taem wea olketa no staka,+Yes, olketa nating staka, and olketa foreigner nomoa lo datfala land.+
13 Olketa wakabaot from wanfala nation go lo nara nation,From wanfala kingdom go lo nara kingdom.+
14 Hem no letem eni man for spoelem olketa,+Bat bikos lo olketa hem stretem olketa king,+
15 Hem sei, “Iufala no tasim olketa anointed wan blo mi,And no duim nogud samting lo olketa profet blo mi.”+
16 Hem mekem bigfala hangere for kasem datfala land.+
Hem stopem supply blo bred blo olketa.*
17 Hem sendem wanfala man go firstaem lo olketaWea olketa salem for kamap wanfala slave, hem Joseph.+
18 Olketa taengem feet blo hem witim chain,+Putim iron raonem nek blo hem
19 Go kasem taem toktok wea hem talem hem kamap tru,+Toktok blo Jehovah nao samting wea mekem hem klin.
20 King sendem toktok for releasem hem,+Datfala ruler blo olketa pipol mekem hem kamap free.
21 Hem putim hem for boss lo olketa samting lo haos blo hem,For rul ovarem evri property blo hem,+
22 For garem paoa ovarem olketa prince blo hem followim hao hem laekemAnd for teachim olketa bigman blo hem for olketa wise.+
23 Bihaen Israel go stap lo Egypt,+And Jacob stap olsem wanfala foreigner lo land blo Ham.
24 God mekem pipol blo hem for kamap staka fogud,+Hem mekem olketa barava strong winim olketa enemy blo olketa,+
25 Olketa wea hem tanem heart blo olketa for heitim pipol blo hem,For mekem nogud plan againstim olketa servant blo hem.+
26 Hem sendem go servant blo hem Moses,+And Aaron,+ wea hem bin chusim.
27 Tufala duim olketa saen blo hem midolwan lo olketa,Olketa mirakol blo hem lo land blo Ham.+
28 Hem sendem darkness go and datfala land kamap dark,+Olketa no bighed againstim toktok blo hem.
29 Hem changem wata blo olketa for kamap bloodAnd killim dae olketa fish blo olketa.+
30 Land blo olketa fulap witim olketa frog,+Nomata insaed lo olketa rum blo king tu.
31 Hem komandim olketa gadflae for go insaedAnd olketa gnat* for go insaed evri territory blo olketa.+
32 Hem mekem rain blo olketa for kamap hailAnd sendem laetning* for kasem land blo olketa.+
33 Hem killim dae olketa vine and fig tree blo olketaAnd distroem olketa tree lo territory blo olketa.
34 Hem talem olketa locust* for mas go,Olketa young locust wea no eniwan fit for kaontem.+
35 Olketa finisim evri plant lo datfala land,And olketa finisim olketa samting wea grow lo graon.
36 Then hem killim dae evri firstborn lo land blo olketa,+Olketa firstborn wea kamaot lo olketa.*
37 Hem tekem aot pipol blo hem and olketa karem silver and gold witim olketa,+And no eniwan lo olketa tribe blo hem foldaon.
38 Taem olketa go, Egypt hapi tumas,Bikos olketa bin fraetem olketa blo Israel.+
39 Hem putim cloud for blokem olketa+And fire for givim laet for olketa lo naet.+
40 Olketa ask, and hem tekem kam quail,*+Hem gohed givim bred from heven for mekem olketa satisfae.+
41 Hem openem rock, and wata flow kamaot,+Hem flow go thru lo desert olsem wanfala river.+
42 Bikos hem tingim datfala holy promis wea hem mekem witim servant blo hem Abraham.+
43 So hem tekem pipol blo hem go aot witim bigfala hapi,+Olketa blo hem wea hem chusim witim hapi singaot.
44 Hem givim land blo olketa nation lo olketa,+Olketa inheritim wanem olketa nara pipol waka hard for producem,+
45 Mekem olketa savve obeyim olketa rul blo hem+And obeyim olketa law blo hem.
Praisem Jah!*
Olketa footnote
^ Or maet, “Story abaotem.”
^ Or, “pleim music for.”
^ Or, “olketa lo laen.” Lit., “seed.”
^ Lit., “Toktok wea hem komandim.”
^ Lit., “brekem evri stik blo bred.” Maet hem minim olketa stik wea olketa putim bred lo hem.
^ Diswan hem wanfala type smol insect lo Egypt wea savve baet olsem moskito.
^ Or, “flame blo fire.”
^ Wanfala type insect wea olsem grashopa.
^ Or, “Olketa wea hem start blo paoa wea olketa garem for producem pikinini.”
^ Wanfala smol bird wea long blo hem samting olsem 18 cm (7 in.). Hem garem staka meat wea teist naes.
^ Or, “Hallelujah!” “Jah” hem short form lo nem blo Jehovah.
