Psalm 62:1-12
For director. Blo Jeduthun.* Singsing blo David.
62 Tru nao, mi weit kwaet nomoa for God.
Hem nao man wea sevem mi.+
2 Tru nao, hem olsem rock blo mi and man for sevem mi, hem sef ples blo mi,*+No eni samting bae mekem mi seksek fogud.+
3 Hao long nao bae iufala attakim wanfala man mekem iufala killim hem dae?+
Iufala evriwan dangerous olsem wall wea lei finis, wanfala wall ston wea redi for foldaon.
4 Bikos olketa story tugeta for daonem hem from important position blo hem,*Olketa laekem tumas for laea.
Witim mouth olketa blessim man, bat insaed heart olketa cursim man.+ (Selah)
5 Tru nao, mi weit kwaet nomoa for God+Bikos mi putim hope blo mi lo hem.+
6 Tru nao, hem olsem rock blo mi and man for sevem mi, hem sef ples blo mi,No eni samting bae mekem mi seksek.+
7 Mi depend lo God for sevem mi and givim glory lo mi.
God nao olsem strongfala rock blo mi, and ples for mi stap sef.+
8 Iufala olketa pipol, evritaem trustim hem.
Pourimaot heart blo iufala front lo hem.+
God nao hem ples blo iumi for stap sef.+ (Selah)
9 Olketa son blo olketa man, olketa olsem smol brith nomoa,Olketa son blo man, olketa olsem laea ples for stap sef.+
Taem olketa putim olketa tugeta antap olketa scale, olketa laet fogud winim smol brith.+
10 No trustim wei for demandim samtingOr putim hope lo wei for steal, wea datwan hem laea samting.
Sapos riches blo iufala hem kamap big, no putim trust blo iufala lo datwan.+
11 Wantaem God tok olsem, tufala taem nao mi herem diswan:
Strong hem kam from God.+
12 And tu, loyal love* hem blo iu, O Jehovah,+Bikos iu bae givim samting lo each wan fitim wanem hem duim.+
Olketa footnote
^ Or, “ples wea stap hae wea sef.”
^ Or, “bignem blo hem.”
^ Lukim “Loyal love” lo Dictionary.
