Psalm 11:1-7
For director. Blo David.
11 Jehovah nao mi go lo hem for stap sef.+
So hao nao iu tok olsem lo mi:
“Flae go olsem bird lo maunten blo iu!
2 Lukim hao olketa wicked man bendim bow blo olketa.
Olketa putim arrow lo string lo bow blo olketa,Lo ples wea dark for sutim olketa wea heart blo olketa hem stret.
3 Taem olketa brekem daon olketa faondeson* finis,Wat nao raeteous man savve duim?”
4 Jehovah stap lo holy temple blo hem.+
Throne blo Jehovah hem stap lo heven.+
Eye blo hem lukim evri samting, yes, eye blo hem barava lukluk gud lo olketa son blo olketa man.+
5 Jehovah lukluk gud lo man wea raeteous and man wea wicked.+
Hem heitim eniwan wea laekem raf fasin.+
6 Hem bae kapsaetem olsem rain olketa trap* lo wicked pipol.
Fire and sulfur+ and hot wind bae fulap lo kap blo olketa.
7 Bikos Jehovah hem raeteous,+ hem laekem samting wea stret.+
Olketa wea heart blo olketa stret bae lukim feis blo hem.*+
