Psalm 96:1-13

  • “Singim wanfala niu song lo Jehovah”

    • Jehovah, hem barava fit for kasem praise (4)

    • Olketa god blo pipol olketa iusles nomoa (5)

    • Worship witim kaleko wea holy (9)

96  Singim wanfala niu song lo Jehovah.+ Singsing lo Jehovah, evriwan lo earth!+  2  Singsing lo Jehovah, praisem nem blo hem. Talemaot gud nius abaotem salvation blo hem evriday.+  3  Talemaot glory blo hem lo olketa nation,And olketa nambawan waka blo hem lo evri pipol.+  4  Jehovah hem barava hae and hem barava fit for kasem praise. Pipol fit for fraet lo hem winim evri nara god.  5  Evri god blo olketa pipol olketa iusles god nomoa,+Bat Jehovah nao hem man wea wakem evri samting lo skae.+  6  Glory and paoa stap front lo hem.+ Strong and olketa naes samting hem lo holy ples blo hem.+  7  Givim Jehovah wanem hem fit for kasem, iufala evri famili blo olketa pipol,Givim Jehovah wanem hem fit for kasem, bikos lo glory and strong blo hem.+  8  Givim glory lo Jehovah bikos lo nem blo hem.+ Tekem kam present and kam insaed olketa courtyard blo hem.  9  Baodaon lo* Jehovah witim kaleko wea holy.* Evriwan lo earth, iufala seksek front lo hem! 10  Talemaot lo olketa nation: “Jehovah hem kamap King!+ Earth* hem stap strong, and hem bae no muv.* Hem bae judgem* pipol lo stretfala wei.”+ 11  Skae mas hapi, and earth tu mas hapi,Sea and evri samting wea stap insaed mas mekem bigfala noes.+ 12  Olketa open ples and evri samting wea stap lo hem olketa mas hapi.+ Lo semtaem evri tree lo forest tu mas singaot from olketa hapi+ 13  Front lo Jehovah, bikos hem kakam nao,*Hem kam nao for judgem earth. Hem bae judgem pipol wea stap lo disfala earth* witim raeteous fasin+And olketa pipol witim faithful fasin blo hem.+

Olketa footnote

^ Or maet, “bikos wei wea hem holy hem gud tumas.”
^ Or, “Worshipim.”
^ Or, “Datfala gud land.”
^ Or, “bae no seksek.”
^ Or, “defendim.”
^ Or, “kam finis.”
^ Or, “datfala gud land.”

Copyrights for disfala pablikeson