Psalm 52:1-9
For director. Maskil.* Blo David, abaotem taem wea Doeg, datfala Edomite kam and talem Saul dat David lo haos blo Ahimelech.+
52 Iu man wea raf tumas, why nao iu tok praod abaotem olketa nogud samting iu duim?+
Datfala loyal love* blo God hem stap olowe.+
2 Tongue blo iu, hem sharp olsem wanfala reza,+Hem mekem olketa nogud plan and talem laea samting.+
3 Iu laekem olketa nogud samting winim gud samting,Wei for laea winim wei for talem stret samting. (Selah)
4 Iu wea tongue blo iu savve talem laea samting,Iu laekem evri toktok wea spoelem man!
5 Dastawe, God bae pullim iu kam daon for olowe nao,+Hem bae grabem iu and tearem iu aot from tent blo iu,+Hem bae aotem iu from midolwan pipol wea laef.+ (Selah)
6 Olketa wea raeteous bae lukim datwan, and bae sapraes fogud,+And olketa bae laf lo hem.+
7 “Hem man wea no mekem God kamap sef ples blo hem,*+Bat hem trustim staka riches blo hem+And depend lo* olketa rabis plan blo hem.”*
8 Bat mi, bae olsem wanfala big olive tree wea grow gud lo haos blo God,Mi putim trust blo mi lo loyal love blo God,+ for olowe.
9 Bae mi praisem iu for olowe bikos lo samting wea iu duim,+Front lo olketa loyal wan blo iu,Nem blo iu nao bae mi putim hope blo mi lo hem,+ bikos hem gud tumas.
Olketa footnote
^ Lukim “Loyal love” lo Dictionary.
^ Or, “strong ples for haed.”
^ Or, “go haed lo.”
^ Lit., “olketa hard taem wea hem nao kosim.”
