Psalm 83:1-18
Wanfala song. Singsing blo Asaph.+
83 O God, iu no kwaet nomoa.+
Iu no stap kwaet and lukluk nomoa, O Holy God.
2 Lukim! Olketa enemy blo iu olketa singaot olobaot,+Olketa wea heitim iu kam for attakim iu.*
3 Olketa trikim pipol blo iu lo wei wea haed for mekem plan againstim olketa.
Olketa mekem plan for againstim olketa spesol wan blo iu.*
4 Olketa sei: “Kam, iumi go finisim datfala full nation,+Mekem pipol bae no tingim moa nem blo Israel.”
5 Olketa agree tugeta for mekem wanfala plan,Olketa mekem wanfala agreement finis for againstim iu,+
6 Olketa tent blo Edom and blo olketa Ishmaelite, Moab+ and blo olketa Hagrite,+
7 Gebal and Ammon+ and Amalek,Philistia+ witim tu olketa pipol wea stap lo Tyre.+
8 Assyria+ tu hem joinim olketa.
Olketa givim sapot lo* olketa son blo Lot.+ (Selah)
9 Duim lo olketa sem samting wea iu duim lo olketa blo Midian,+Olsem iu duim lo Sisera and Jabin lo stream* lo Kishon.+
10 Olketa finis lo En-dor.+
Olketa kamap olsem manure for datfala graon.
11 Iu mekem important pipol blo olketa for olsem Oreb and Zeeb+And olketa prince* blo olketa for olsem Zebah and Zalmunna,+
12 Bikos olketa tok olsem: “Iumi tekem datfala land wea God stap lo hem.”
13 O God blo mi, iu mekem olketa olsem rabis grass wea wind rolim olobaot,+Olsem drae grass wea wind blowim olobaot.
14 Olsem fire wea bonem full forest,Olsem flame wea hotem olketa maunten,+
15 So iu ronem olketa witim strong wind wea kam from iu+And mekem olketa fraet witim big wind wea kam from iu.+
16 Iu mek shame lo olketa,Mekem olketa savve kol lo nem blo iu, O Jehovah.
17 Olketa mas shame and fraet for olowe,Olketa nao mas shame and finis.
18 Pipol mas savve dat iu, wea nem blo iu Jehovah,+Iu nomoa datfala Most Hae ovarem full earth.+
