Psalm 110:1-7

  • Wanfala king and priest olsem Melchizedek

    • “Rul midolwan lo olketa enemy blo iu” (2)

    • Olketa young wan wea willing olketa olsem dew (3)

Blo David. Wanfala singsing. 110  Jehovah tok olsem lo Lord blo mi: “Sidaon lo raet hand blo mi+Go kasem taem mi putim olketa enemy blo iu olsem stul for foot blo iu.”+  2  Jehovah bae extendim scepter* blo paoa blo iu from Zion, and sei: “Go rul midolwan lo olketa enemy blo iu.”+  3  Pipol blo iu bae willing for givim olketa seleva lo day wea army blo iu go faet.* Olketa luk naes and holy,Iu garem grup blo olketa young man wea olsem dew lo early morning.  4  Jehovah mekem wanfala promis,* and hem bae no changem mind blo hem,* hem sei: “Iu wanfala priest for olowe+Semsem olsem Melchizedek!”+  5  Jehovah bae stap lo raet hand blo iu.+ Bae hem smasem olketa king lo day blo kros blo hem.+  6  Bae hem givim judgment againstim* olketa nation.+ Bae hem fulimap datfala land witim olketa dead body.+ Bae hem smasem datfala leader* blo land wea fulap lo pipol.*  7  Bae hem* drink from stream followim saed road. Dastawe, bae hem liftimap hed blo hem.

Olketa footnote

^ Lukim “Scepter” lo Dictionary.
^ Or, “lo day wea army blo iu redi for faet.”
^ Or, “oath.” Lukim “Oath” lo Dictionary.
^ Or, “bae hem no regretim.”
^ Or, “midolwan.”
^ Lit., “hed.”
^ Or, “blo full earth.”
^ Diswan hem “Lord blo mi” wea verse 1 storyim.

Copyrights for disfala pablikeson