Psalm 113:1-9

  • God wea stap hae liftimap man wea pipol ting daonem

    • Pipol mas praisem nem blo Jehovah for olowe (2)

    • God hem bendaon (6)

113  Praisem Jah!* Iufala olketa servant blo Jehovah, praisem hem,Praisem nem blo Jehovah.  2  Pipol mas praisem nem blo JehovahStart distaem and for olowe.+  3  Start taem sun kamap go kasem taem hem go daon,Pipol mas praisem nem blo Jehovah.+  4  Jehovah hem hae ovam evri nation.+ Glory blo hem hae ovam skae.+  5  No eniwan hem olsem Jehovah, God blo iumi,+Man wea stap* lo ples wea hae.  6  Hem bendaon for luk kam lo skae and earth,+  7  Hem liftimap man wea pipol ting daonem from dust. Hem liftimap man wea poor from asis*+  8  For mekem hem sidaon witim olketa bigman,Witim olketa bigman blo pipol blo hem.  9  Hem givim woman wea no garem pikinini ples for stapOlsem wanfala mami wea hapi lo olketa pikinini* blo hem.+ Praisem Jah!*

Olketa footnote

^ Or, “Hallelujah!” “Jah” hem short form lo nem blo Jehovah.
^ Or, “sidaon lo throne for rul.”
^ Or maet, “rabis dump.”
^ Lit., “olketa son.”
^ Or, “Hallelujah!” “Jah” hem short form lo nem blo Jehovah.

Copyrights for disfala pablikeson