Proverbio 4:1-27
4 Mga anak, paminawa ang disiplina sa amahan;+Pamati aron makabaton mog pagsabot,
2 Kay maayo ang akong itudlo ninyo;Ayawg isalikway ang akong itudlo.*+
3 Ako masinundanong anak sa akong amahan+Ug pinangga kaayo sa akong inahan.+
4 Gitudloan ko niya ug giingnan: “Sundon unta sa imong kasingkasing ang akong mga pulong.+
Tumana ang akong mga sugo aron motaas ang imong kinabuhi.+
5 Batoni ang kaalam ug ang pagsabot.+
Ayawg kalimti ang akong ginasulti ug ayawg tipas gikan niini.
6 Ayaw kinig biyai, ug proteksiyonan ka niini.
Mahala kini, ug kini manalipod nimo.
7 Ang kaalam ang labing importanteng* butang,+ busa batoni ang kaalam,Ug bisan unsa pay imong mabatonan, seguradoha nga makabaton kag pagsabot.+
8 Pabilhi kini pag-ayo, ug bayawon ka niini.+
Pasidunggan ka niini kay gimahal nimo kini.+
9 Magbutang kinig nindot nga purongpurong sa imong ulo;Adornohan ka niinig korona sa katahom.”
10 Anak ko, paminawa ug dawata ang akong mga pulong,Ug motaas ang imong kinabuhi.+
11 Tudloan ka nako sa dalan sa kaalam;+Tultolan ka nako sa hustong agianan.+
12 Dihang molakaw ka, dili mapugngan ang imong mga lakang;Ug kon modagan ka, dili ka mapandol.
13 Kupti ang disiplina; ayaw kinig buhii.+
Ampingi kini, kay kini ang imong kinabuhi.+
14 Ayawg sulod sa dalan sa daotan,Ug ayawg lakaw sa agianan sa daotang mga tawo.+
15 Likayi kini, ayawg agi niini;+Palayo niini, ug labyi kini.+
16 Kay dili sila makatulog kon dili sila makahimog daotan.
Dili sila makatulog kon wala silay tawong mapukan.
17 Ang ilang kinaon mao ang tinapay sa pagkadaotan,Ug ang ilang ilimnon mao ang bino sa kapintasan.
18 Apan ang dalan sa matarong sama sa kahayag sa adlawNga mag-anam ka hayag hangtod sa udtong tutok.+
19 Ang dalan sa daotan sama sa kangitngit;Wala sila mahibalo kon unsay nakapandol nila.
20 Anak ko, pamati sa akong mga pulong;Paminaw pag-ayo* sa akong ginasulti.
21 Ayaw kinig kalimti;Ibutang kini sa kinailadman sa imong kasingkasing,+
22 Kay kinabuhi kini niadtong makakaplag niini+Ug kahimsog sa ilang tibuok lawas.*
23 Labaw sa tanan nga imong bantayan, bantayi ang imong kasingkasing,+Kay nagdepende niini ang imong kinabuhi.*
24 Isalikway ang dili maayong sinultihan,+Ug likayi ang malimbongong sinultihan.
25 Ipokus ang imong mga mata sa unahan,Oo, tutok sa imong unahan.+
26 Pataga* ang agianan sa imong tiil,+Ug mahimong luwas ang tanan nimong dalan.
27 Ayawg tipas sa tuo o sa wala.+
Ipalayo ang imong tiil gikan sa daotan.
Mga Footnote
^ O “balaod.”
^ O “ang pangunang.”
^ Literal, “Ikiling ang imong dalunggan.”
^ Literal, “sa tanan nilang unod.”
^ Literal, “gikan niini ang mga tuboran sa kinabuhi.”
^ O posible, “Konsideraha pag-ayo.”
