Proverbio 10:1-32
10 Mga panultihon ni Solomon.+
Ang anak nga maalamon makapalipay sa iyang amahan,+Pero ang anak nga buangbuang makapaguol sa iyang inahan.
2 Ang bahandi nga nakuha sa daotang paagi wala unyay kapuslanan,Apan ang pagkamatarong maoy magluwas gikan sa kamatayon.+
3 Dili pagutman ni Jehova ang matarong,+Apan babagan niya ang mga daotan aron dili nila makuha ang ilang gusto.
4 Ang tapolan nga kamot moresultag kakabos,+Apan ang kugihan nga kamot makapadato.+
5 Ang anak nga nagalihok nga maalamon mangani sa ting-init,Apan ang anak nga nahinanok sa ting-ani nagdalag kaulawan sa iyang kaugalingon.+
6 Ang mga panalangin naa sa ulo sa matarong,+Apan ang baba sa daotan nagtabon sa kapintasan.
7 Ang reputasyon* sa tawong matarong moresultag panalangin,+Apan ang ngalan sa daotan madugta.+
8 Ang maalamon modawat ug mga instruksiyon,*+Apan ang nagsultig kabuangan pagayatakan.+
9 Kadtong naglakaw sa dalan sa integridad maglakaw sa kasegurohan,+Apan kadtong hiwi ug mga dalan masakpan.+
10 Kadtong mangidhat para manglimbong magpahinabog kaguol,+Ug ang nagsultig kabuangan pagayatakan.+
11 Ang baba sa matarong maoy tuboran sa kinabuhi,+Apan ang baba sa daotan nagtabon sa kapintasan.+
12 Ang pagdumot maoy mopukaw ug mga away,Apan tabonan sa gugma ang tanang kalapasan.+
13 Ang kaalam naa sa mga ngabil sa tawong may katakos sa pag-ila,+Apan ang bunal maoy para sa likod niadtong dili maayog panghunahuna.*+
14 Pabilhan sa mga maalamon ang kahibalo,+Apan ang baba sa buangbuang magpahinabog kalaglagan.+
15 Ang bahandi* sa dato mao ang iyang lig-ong siyudad.
Ang kalaglagan sa mga pobre mao ang ilang kawalad-on.+
16 Ang mga buhat sa matarong moresultag kinabuhi;Apan ang mga buhat sa daotan moresultag sala.+
17 Kadtong maminaw sa disiplina maoy dalan padulong sa kinabuhi,*Apan ang dili mopatuo sa pagbadlong makapasaag sa uban.
18 Ang nagtago sa iyang pagdumot nagsultig bakak,+Ug ang nagsabwag ug makadaot nga mga estorya* buangbuang.
19 Kon daghag isulti, dili kalikayan ang kasaypanan,+Apan maalamon ang nagbantay sa iyang baba.+
20 Ang dila sa matarong samag kinamaayohang plata,+Apan ang kasingkasing sa daotan halos walay bili.
21 Ang mga ngabil sa matarong nagagiya sa daghan,+Apan ang buangbuang mamatay tungod sa kakulang ug pagsabot.+
22 Ang panalangin ni Jehova mao ang makapadato,+Ug dili niya kini dugangan ug kasakit.*
23 Para sa buangbuang morag duladula lang ang makauulaw nga paggawi,Apan ang kaalam maoy para sa tawong may katakos sa pag-ila.+
24 Ang gikahadlokan sa daotan mahitabo kaniya;Apan ang gitinguha sa matarong ihatag kaniya.+
25 Iniglabay sa unos, ang mga daotan wala na,+Apan ang matarong maoy pundasyon hangtod sa hangtod.+
26 Samag suka sa ngipon ug aso sa mata,Ingon niana ang tawong tapolan niadtong nagsugo niya.*
27 Ang pagkahadlok kang Jehova makapataas sa kinabuhi,+Apan ang mga tuig sa daotan pamub-on.+
28 Ang pagdahom* sa matarong makahatag ug kalipay,+Apan ang paglaom sa mga daotan mahanaw.+
29 Ang dalan ni Jehova maoy proteksiyon para sa dili salawayon,+Apan kalaglagan kini para sa mga naghimog daotan.+
30 Ang matarong dili gyod mapandol,+Apan ang daotan dili na makapuyo sa yuta.+
31 Ang baba sa matarong mamunga ug kaalam,Apan ang dila nga daotan putlon.
32 Ang mga ngabil sa matarong nahibalo kon unsay makapalipay,Apan ang baba sa daotan makadaot.
Mga Footnote
^ O “handomanan.”
^ Literal, “sugo.”
^ Literal, “nakulangan ang kasingkasing.”
^ O “bililhong butang.”
^ O posible, “naa sa dalan sa kinabuhi.”
^ O “tabi.”
^ O “kagul-anan; kalisdanan.”
^ O “para sa iyang amo.”
^ O “paglaom.”
