Job 8:1-22

  • Fas toktok blong Bildad (1-22)

    • Hem i talem se ol pikinini blong Job oli mekem sin (4)

    • ‘Sipos yu klin gud, God bambae i protektem yu’ (6)

    • Hem i talem se Job i wan man we i no bilif long God (13)

8  Nao Bildad+ we i man Suaha,+ i ansa i se:   “?Bambae yu stap toktok olsem gogo kasem wetaem?+ !Ol tok blong yu oli olsem strong win nomo!   ?Yu ting se God bambae i gowe long jastis,No God Ya We i Gat Olgeta Paoa bambae i gowe long stret fasin?   Sipos ol boe blong yu oli bin sin agensem hem,Hem i letem olgeta oli kasem panis from we oli rebel.*   Be sipos yu jes lukluk i go nomo long God+Mo yu askem strong long God Ya We i Gat Olgeta Paoa blong i sore long yu,   Mo sipos yu rili klin mo yu stret,+Bambae hem i lesin long yu*Mo i putumbak yu long stret ples blong yu.   Mo nating se laef blong yu long stat i nating nomo,Be long fiuja bambae laef blong yu i nambawan.+   Plis, yu askem long ol jeneresen ya bifo,Mo yu lesin gud long ol samting we ol papa blong olgeta oli bin faenemaot.+   From we yumi bon yestede nomo, mo yumi no save wan samting nating,From ol dei blong yumi long wol ya oli olsem sado nomo. 10  ?Yu no ting se bambae oli talem samting we yu save mekem,Mo oli talem long yu samting we oli save?* 11  ?Yu ting se gras ya papiras, i save gru longfala long ples we i no gat swam? ?Yu ting se waelken blong wota, i save gru longfala we i no gat wota? 12  Taem i no open yet, mo oli no pulumaot yet,Bambae hem i drae fastaem long ol narafala plant. 13  Hemia nao samting we i stap hapen long* olgeta we oli fogetem God,From we hop blong man we i no bilif long God* bambae i lus, 14  Samting we hem i dipen long hem i nating nomoMo samting we hem i trastem i save brok isi nomo olsem nes* blong spaeda. 15  Bambae hem i lei long haos blong hem, be bambae i no gohed blong stanap.Bambae hem i traem holemtaet haos ya, be bambae i no stap longtaem. 16  Hem i olsem wan wetwet plant we i stap long laet blong san,Mo ol sut blong hem oli gru olbaot long garen.+ 17  Ol rus blong hem oli fasfas gud long wan hip blong ol ston,Hem i lukaot wan haos long medel blong ol ston ya.* 18  Be taem oli rutumaot hem long ples blong hem,*Bambae ples ya i no moa wantem hem, mo i talem se: ‘Mi mi neva luk yu bifo.’+ 19  Yes, hemia nao olsem wanem bambae hem i lus.+Biaen ol narafala bambae oli gru long das ya. 20  Mi sua se God bambae i no lego olgeta we oli holemtaet ol fasin we i stret gud.Mo bambae hem i neva sapotem* ol rabis man, 21  From we bambae hem i fulumap maot blong yu yet wetem laf Mo lips blong yu bambae i singsingaot yet from glad. 22  Olgeta we oli no laekem yu, bambae sem i kavremap olgeta olsem klos,Mo tent blong ol man nogud, bambae i no moa stap.”

Ol futnot

PT: “Hem i sanem olgeta oli go long han blong ol man we oli rebel agensem hem.”
NT: “stanap blong givhan long yu.”
PT: “Mo oli talem ol tok we i kamaot long hat blong olgeta?”
PT: “Hemia nao ol rod blong.”
NT: “man blong apostasi.” Yu luk Diksonari.
PT: “haos.”
NT: “Hem i luk wan haos blong ol ston.”
NT: “Be taem oli solemdaon hem.”
PT: “holem han blong.”