Job 24:1-25

  • Job i gohed blong ansa (1-25)

    • ‘?From wanem God i no putum wan stret taem?’ (1)

    • Hem i talem se God i letem rabis fasin i stap (12)

    • Ol man blong mekem sin oli laekem tudak (13-17)

24  “?From wanem God Ya We i Gat Olgeta Paoa i no putum wan stret taem?+ ?From wanem olgeta we oli save hem oli no luk dei* blong hem?   Ol man oli stap seftem ol mak blong graon,+Oli stap tekemaot ol animol i go long ples blong olgeta blong putum animol.   Oli karemaot dongki blong ol pikinini we oli no gat papaMo oli tekemaot bul blong ol wido olsem garanti blong lon.*+   Oli stap fosem ol puaman blong kamaot long rod.Ol man long wol we oli no gat paoa oli mas haed long olgeta.+   Ol puaman oli stap lukaotem kakae olsem ol wael dongki+ long draeples,Oli lukaotem kakae blong ol pikinini blong olgeta long draeples.   Oli mas go havest long garen blong wan narafala man*Mo oli pikimap ol hafhaf grep long plantesen blong grep blong man nogud.   Long naet oli slip neked nomo we oli no gat klos.+Oli no gat blangket blong kavremap olgeta from kolkol.   Oli wetwet gud long ren we i kam long bigfala hil,Oli stap go saed saedem olgeta long ol bigfala ston from i no gat ples blong haed.   Oli pulumaot pikinini we i no gat papa, i gowe long titi.+Mo oli tekemaot ol klos blong puaman olsem garanti blong wan lon.+ 10  Oli stap fosem olgeta blong wokbaot neked olbaot we oli no gat klos,Mo oli stap karem ol bandel wit, we oli hanggri nomo. 11  Long medel dei we i hot tumas, oli stap wok had long ol garen ya we oli bildim ol wol long olgeta blong holemtaet graon.*Nating se oli stap stanstanap long grep long ples blong mekem waen, be oli tosta yet.+ 12  Olgeta we klosap oli ded, oli stap krae insaed long taon.Olgeta we oli kasem bigfala kil,* oli stap krae from help,+Be God i no luk se samting ya i no stret.* 13  I gat olgeta we oli rebel agensem laet,+Oli no luksave ol fasin blong hem,Mo oli no folem ol rod blong hem. 14  Man blong kilim man i girap taem i brok delaet,Hem i stap kilim man we i no gat paoa mo i puaman,+Mo long naet hem i stap mekem wok blong stil. 15  Ae blong man we i mekem adaltri* i stap wet blong i tudak lelebet,+I stap talem se: ‘!I no gat wan man bambae i luk mi!’+ Mo i kavremap fes blong hem. 16  Taem i tudak oli stap brekin long ol haos.*Mo long dei oli stap insaed nomo long ol haos blong olgeta. Oli no save wanem ya laet.+ 17  From we long olgeta, moning i sem mak long bigfala tudak.Oli save gud ol samting blong fraet we oli stap long tudak. 18  Be kwiktaem nomo wota i karem olgeta i gowe.* Mo bambae trabol i kam long graon blong olgeta.+ Bambae oli no gobak long ol plantesen blong grep blong olgeta. 19  Olsem we draetaem mo hot taem i mekem sno we i melt i lus,Long sem fasin, Gref* i stap tekemaot ol man we oli mekem sin.+ 20  Mama* blong hem bambae i fogetem hem, mo maget bambae i lafet long hem. Bambae ol man oli no moa tingbaot hem.+ Mo fasin we i no stret bambae i brok stret olsem wan tri. 21  Hem i stap kakae woman we i no save karem pikinini olsem mit blong hem,Mo i stap tritim nogud ol wido. 22  God* bambae i yusum paoa blong hem blong spolem ol strong man.Nating se oli save girap, be oli no sua se bambae oli laef o no. 23  God* i letem olgeta oli gat strong tingting mo oli sefgud,+Be ae blong hem i stap long evri samting we oli mekem.*+ 24  Ol man oli leftemap olgeta blong smoltaem, biaen oli no moa stap.+ Oli daonem olgeta+ mo oli hivimap olgeta olsem ol narafala man.Oli katemaot olgeta olsem ol hed blong wit no bale. 25  ?Ale hu i save pruvum se mi mi wan man blong giamanNo i save soemaot se tok blong mi i no tru?”

Ol futnot

Hemia dei blong hem blong jajem ol man.
NT: “olsem wan garanti.”
MNT: “oli go stap havestem gras long garen.”
MNT: “Oli stap mekem oel long ples ya we oli bildim ol wol long hem blong holemtaet graon.”
NT: “Sol blong olgeta we oli kasem kil.”
MNT: “God i no talem se ol man we oli mekem olsem oli rong.”
Yu luk Diksonari.
PT: “oli stap digim hol i go tru long haos.”
PT: “Hem i pas kwik antap long wota.”
NT: “Seol,” hemia gref blong ol dedman. Yu luk Diksonari.
PT: “Bel blong mama.”
PT: “Hem.”
PT: “Hem.”
PT: “wajem ol rod blong olgeta.”