Job 39:1-30
39 “?Yu yu save taem we ol wael nani blong bigfala hil oli bonem pikinini?+
?Yu yu luk finis wan dia i bonem ol pikinini blong hem?+
2 ?Yu yu kaontem ol manis we oli mas pastru long hem?
?Yu yu save taem we oli bonem pikinini?
3 Oli taetem olgeta i godaon, taem oli wantem bonem pikinini blong olgeta,Mo soa we oli harem taem oli bonem pikinini, i finis.
4 Ol pikinini blong olgeta oli kam strong mo oli gruap long ol open ples.Oli gowe mo oli no moa kambak long olgeta.
5 ?Hu i mekem se wael dongki* i fri,+Mo hu i karemaot ol rop long wael dongki?
6 Mi mi mekem se draeples i hom blong hemMo ples we i gat fulap sol, i ples blong hem.
7 Hem i stap jikim noes we i kam long taon,Hem i no harem voes blong man we i singaot long hem blong wok.
8 Hem i go olbaot long ol hil, i stap lukaotem gras,Hem i stap lukaotem eni plant we i grin.
9 ?Yu ting se wael bul i glad nomo blong kam wok blong yu?+
?Bambae hem i slip long haos blong ol animol blong yu* long naet?
10 ?Yu save lidim wan wael bul wetem rop, i go long garen we i gat rod blong wota long hem finis??No hem i save folem yu i go blong plao long vali?*
11 ?Bambae yu trastem bigfala paoa blong hemMo yu letem hem i mekem ol hevi wok blong yu?
12 ?Bambae yu dipen long hem blong i tekembak ol kakae* we yu havestem,Mo bambae hem i hivimap olgeta long ples blong karemaot skin blong wit?
13 Pijin ya ostrij i stap saksakem wing blong hem from i glad,?Be yu ting se ol feta long wing blong hem mo ol sofsof feta blong hem, oli sem mak olsem blong pijin ya stok?+
14 From hem i livim ol eg blong hem antap nomo long graon,Mo hem i letem das i mekem olgeta oli stap wom.
15 Hem i foget se wan leg i save fas long olgeta i smasem evriwanNo wan wael animol i save stanap long olgeta.
16 Hem i tritim nogud ol pikinini blong hem, olsem se oli no blong hem.+Hem i no kea se hadwok blong hem bambae i blong nating nomo.
17 From God i tekemaot waes long hem finis*Mo i no letem hem i kasemsave samting.
18 Be taem hem i girap mo i saksakem ol wing blong hem,Hem i stap laf long hos mo man we i raed long hem.
19 ?Yu nao yu givim paoa long hos?+
?Yu yu mekem hem i werem ol longfala hea we oli stap muvmuv long nek blong hem?
20 ?Yu yu save mekem hem i jam olsem wan lokis?
Bigfala noes we hem i mekem long nus, i mekem man i fraet tumas.+
21 Hem i stap skraskrasem graon long vali, mo i glad i stap kik olbaot,+Mo i resis i go long faet.*+
22 Hem i laf long ol samting blong fraet, mo i no fraet long wan samting.+
Hem i no tanraon i gobak taem i luk naef blong faet.
23 Basket blong ara i stap mekem bigfala noes, taem i stap fas long hem,Ol spia mo javlin oli stap saen.
24 Hem i stap seksek from i glad tumas, nao i spid i go,*Hem i no save stanap kwaet* taem i harem saon blong hon.
25 Taem man i blo long hon, hos i se: ‘!Hemia nao!’
Hem i smelem faet, nating se hem i stap longweMo i harem ol komanda oli stap singaot mo noes blong faet.+
26 ?Yu yu givim save long pijin ya falkon blong i flae i go antap,I openem ol wing blong hem blong flae i go long saot?
27 ?Mo yu yu givim oda long igel blong i flae i go antap,+Mo i mekem nes blong hem long ples we i hae,+
28 Mo i slip long wan klif long naet,Mo i stap long ples we i sefgud, long wan bigfala ston long klif?*
29 Long ples ya hem i stap lukluk olbaot blong faenem kakae,+Ae blong hem i lukluk i go longwe.
30 Ol pikinini blong hem oli stap dring blad.Mo long ples we i gat dedbodi, pijin ya tu i stap long hem.”+
Ol futnot
^ NT: “oneja.”
^ NT: “slip long bokis blong putum gras.”
^ NT: “blong brebrekem graon long vali i kam smosmol”
^ PT: “sid.”
^ PT: “God i mekem hem i fogetem samting.”
^ PT: “Hem i resis i go blong mitim klos blong faet.”
^ PT: “nao i solemdaon graon (wol).”
^ MNT: “Hem i no save bilif.”
^ PT: “long en blong wan klif.”