Job 21:1-34

  • Ansa blong Job (1-34)

    • ‘?From wanem ol rabis man oli stap win long laef?’ (7-13)

    • Hem i soemaot se ol tok blong ol man we oli kam “leftemap tingting” blong hem, oli no stret (27-34)

21  Job i ansa i se:   “Yufala i lesin gud long samting we mi talem.I gud hemia samting we yufala i talem blong leftemap tingting blong mi.   Yufala i letem mi mi toktok,Taem mi finis toktok, yufala i save jikim mi.+   ?Mi mi stap talemaot komplen blong mi long wan man? Sipos i olsem, ?bambae mi gat longfala tingting yet?   Yufala i luk mi, we yufala i sapraes tumas,Yufala i putum han blong yufala blokem maot blong yufala.   Taem mi tingbaot samting ya, mi wari tumas,Mo ful bodi blong mi i stap seksek.   ?From wanem ol rabis man oli gohed blong laef,+Oli kam olfala, mo oli gat plante samting?*+   Ol pikinini blong olgeta oli stap oltaem long fes blong olgeta,Mo oli stap luk olgeta we oli kamaot biaen long olgeta.   Ol haos blong olgeta oli sefgud, oli no fraet long wan samting,+Mo God i no stap panisim olgeta long stik blong hem. 10  Ol bul blong olgeta, taem oli mekem pikinini, evriwan i laef.Ol kao blong olgeta oli bonem ol pikinini mo i no gat wan i kam nogud long bel. 11  Ol boe blong olgeta oli stap ronron aotsaed olsem ol animol,Mo ol pikinini blong olgeta oli stap jamjam olbaot. 12  Oli singsing mo plei long tamborin wetem hap,Mo oli glad tumas taem oli harem saon blong flut.*+ 13  Oli harem gud evri dei long laef blong olgetaMo oli godaon long Gref* long pis.* 14  Be oli talem long tru God se: ‘!Yu lego mifala! Mifala i no intres blong save ol rod blong yu.+ 15  ?Hu ya God Ya We i Gat Olgeta Paoa, we mifala i mas wok blong hem?+ ?Bambae mifala i kasem wanem sipos mifala i save gud hem?’+ 16  Be mi mi save se oli no gat paoa antap long gudfala laef ya blong olgeta.+ Tingting* blong ol rabis man i stap longwe long mi.+ 17  ?Hamas taem we laet blong man nogud i ded?+ ?Hamas taem we disasta i kasem olgeta? ?Hamas taem we God i spolem olgeta from i kros? 18  ?I gat wan taem we oli kam olsem drae gras we win i blu long hem,Mo olsem drae skin blong wit we strong win i karemaot i go? 19  God bambae i hivimap panis blong wan man, blong givim long ol pikinini blong hem. Be i gud God i givimbak long hem blong hem tu i save.+ 20  I gud ae blong hem nomo i luk trabol we i spolem hem,Mo i gud hem nao man we bambae i dring long kap blong kros blong God Ya We i Gat Olgeta Paoa.+ 21  ?Bambae hem i save wari long samting we i hapen long haos blong hem afta we hem i goSipos namba blong ol manis blong hem oli kam sot?*+ 22  ?I gat wan man i save tijim God blong i gat save,*+We Hem nao i stap jajem olgeta man wetem ol haeman tu?+ 23  Wan man i ded we i strong gud nomo+Long taem ya we hem i no wari nating mo i gat isi laef,+ 24  Taem ol leg blong hem antap long ni oli fatfat gudMo ol bun blong hem oli strong gud yet.* 25  Be wan narafala man i ded we tingting blong hem i trabol gud,*I neva testem ol gudfala samting. 26  Tufala tugeta bambae i ledaon long das,+Mo ol maget bambae oli kavremap gud tufala.+ 27  !Yufala i luk! Mi mi save stret samting we yufala i stap tingting long hemMo ol plan we yufala i mekem blong pulum mi mi gorong.*+ 28  From yufala i talem se: ‘?Wehem haos blong haeman,Mo wehem tent we rabis man i laef long hem?’+ 29  ?Yufala i neva askem long ol man we oli stap go long ol defren kantri? ?Yufala i no stadi gud long ol samting* we oli stap mekem, 30  Se wan man nogud, i no kasem trabol long dei blong disastaMo i sef long dei blong kros? 31  ?Hu bambae i tok agensem hem from fasin blong hem,Mo hu bambae i givimbak long hem, from samting we hem i mekem? 32  Taem oli karem hem i go long beregraon,Bambae wan gad i stap lukaot long tomb blong hem. 33  Ol pis graon blong krik* bambae oli olsem wan swit samting long hem,+Mo evri man we oli biaen long hem*+Oli plante olsem olgeta we oli go fastaem long hem, we man i no save kaontem olgeta. 34  ?Taswe from wanem yufala i talem ol tok we i no gat mining, blong leftemap tingting blong mi?+ !I no gat samting long ol ansa blong yufala, be giaman nomo!”

Ol futnot

NT: “oli gat paoa.”
NT: “paep.”
NT: “Seol,” hemia gref blong ol dedman. Yu luk Diksonari.
NT: “wantaem nomo,” hemia min se oli ded kwik mo oli no safa from.
NT: “Advaes, Plan.”
NT: “Sipos oli katem namba blong ol manis blong hem long tu.”
NT: “tijim God long eni samting.”
PT: “wota blong bun blong hem i no drae.”
NT: “we sol blong hem i harem nogud tumas.”
MNT: “blong mekem nogud agesem mi.”
PT: “saen.”
NT: “wadi.” Yu luk Diksonari.
PT: “Mo hem i pulum plante man oli biaen long hem.”