Job 7:1-21

  • Job i gohed blong ansa (1-21)

    • Laef i olsem man we i stap hadwok tumas (1, 2)

    • “?From wanem yu putum mi olsem mak blong yu sutum?” (20)

7  “?Yu no ting se laef blong man long wol, i olsem laef blong man we i stap hadwok tumas,Mo ol dei blong hem i olsem ol dei blong man we oli tekem hem i kam blong wok?+   Olsem wan slef, hem i wantem tumas blong haed long sado,Mo olsem wan man we oli tekem hem i kam blong wok, hem i stap wet blong kasem pei blong hem.+   Long sem fasin, plante manis nao mi no kasem wan samting,Mo ol naet we mi stap harem nogud, hem i pei we oli givim long mi.+   Taem mi ledaon, mi askem se: ‘?Wetaem bambae mi girap?’+ Be from naet i longfala tumas, mi stap tantanem mi gogo kasem we i brok delaet.   Ol maget mo ol doti blong graon oli kavremap gud bodi blong mi.+Skin blong mi i fulap long ol soa we i luk olsem se oli drae, be wota blong soa i stap long olgeta.+   Ol dei blong mi oli pas kwik moa i winim tul ya satel blong ol man blong wivim kaliko,+Mo long en blong ol dei ya, mi mi no gat hop.+   Yu mas tingbaot se laef blong mi hem i win nomo,+Mo se ae blong mi bambae i no moa save luk hapi taem.*   Ae we i stap luk mi naoia, bambae i no moa luk mi.Ae blong yu bambae i lukaotem mi, be mi bambae mi go finis.+   Man we i godaon long Gref,* hem i no moa save kam antap bakegen,Olsem klaod we i lus i go, i finis.+ 10  Bambae hem i no moa gobak long haos blong hem,Mo ples blong hem bambae i fogetem hem.+ 11  Taswe, bambae mi no satem maot blong mi. !Bambae mi toktok from tingting blong mi i trabol tumas!!Bambae mi komplen from mi harem nogud tumas!*+ 12  ?Yu ting se mi mi solwota, no wan bigfala animol blong solwota,We yu mas putum wan man blong i gad long mi? 13  Taem mi talem se: ‘Bambae longfala jea blong mi i mekem mi harem gud,Bed blong mi bambae i mekem se trabol blong mi i no hevi tumas,’ 14  Be yu girap yu mekem mi fraet bitim mak long ol drim,Mo ol vison we i mekem mi fraet tumas, 15  Blong mekem se bambae mi* jusum blong blokem win blong mi blong mi ded,Yes, ded i moa gud i bitim bodi* ya blong mi.+ 16  Mi no laekem nating laef blong mi.+ Mi no moa wantem gohed blong laef. Yu lego mi, from we ol dei blong mi oli olsem win nomo.+ 17  ?From wanem yu stap tingbaot man we i nating nomoMo ae blong yu i stap long* hem nomo?+ 18  ?From wanem yu stap jekem hem evri moning,Mo yu stap traem hem oltaem?+ 19  ?Bambae yu no tanem fes blong yu i gowe long miMo lego mi smoltaem blong mi solemdaon spet blong mi?+ 20  Sipos mi bin mekem sin, ?olsem wanem mi save spolem yu, yu we yu Man blong wajem olgeta man?+ ?From wanem yu putum mi olsem mak blong yu sutum? ?Mi mi kam wan hevi baden long yu? 21  ?From wanem yu no fogivim ol rong blong miMo lego ol rong blong mi? From i no longtaem bambae mi ded mo mi gobak long das,+Mo bambae yu lukaotem mi, be mi bambae mi go finis.”

Ol futnot

PT: “gudfala samting.”
NT: “Seol,” hemia gref blong ol dedman. Yu luk Diksonari.
NT: “from sol blong mi i harem nogud tumas!”
NT: “sol blong mi i.”
PT: “ol bun.”
PT: “putum hat blong yu long.”