Job 14:1-22

  • Job i gohed blong ansa (1-22)

    • Man i laef sot taem nomo mo i kasem fulap trabol (1)

    • “Ol tri tu oli gat hop” (7)

    • “!Plis i gud yu haedem mi long Gref!” (13)

    • “?Sipos wan man i ded, hem i save laef bakegen?” (14)

    • God bambae i wantem tumas blong luk wok blong han blong hem (15)

14  “Man i bon long woman,I laef sot taem nomo+ mo i kasem fulap trabol.*+   Hem i gru i kam olsem wan flaoa we i open mo biaen i kam drae.*+Hem i pas kwik i go olsem wan sado mo i lus.+   Yes, yu putum ae blong yu i stap long hem nomo,Mo yu tekem hem* i kam pas long kot wetem yu.+   ?Hu i save mekem man we i klin i kamaot long man we i no klin?+ !I no gat man i save mekem!   Sipos oli agri finis long ol dei blong hem,Namba blong ol manis blong hem i stap wetem yu.Yu yu putum wan mak finis we hem i no save go bitim.+   Plis, yu tanem fes blong yu i gowe long hem blong hem i save spel, Gogo kasem we hem i finisim gud ol dei blong hem, olsem man we narafala i tekem hem i kam wok.+   From ol tri tu oli gat hop. Sipos oli katemdaon, bambae i gru bakegen,Mo ol sut blong hem bambae oli gohed blong gru.   Sipos rus blong hem insaed long graon i kam olfalaMo stamba blong hem long graon i kam drae,   Be smel blong wota nomo bambae i mekem hem i gru,Mo bambae hem i gat plante branj olsem wan niufala plant. 10  Be taem man i ded, hem i ledaon i stap we i no moa gat paoa.?Taem wan man i ded, hem i stap wea?+ 11  Ol wota long solwota oli lus,Mo wan reva i ronaot, mo i kam drae. 12  Man tu i ledaon mo i no moa stanap.+ Mo gogo kasem we heven i lus, bambae oli no wekap,Mo bambae oli no girap long slip blong olgeta.+ 13  Plis i gud yu haedem mi long Gref,*+I gud yu haedem mi kasem we kros blong yu i finis,Mo i gud yu putum wan stret taem blong mi mo yu tingbaot mi bakegen.+ 14  ?Sipos wan man i ded, hem i save laef bakegen?+ Bambae mi wet kasem we olgeta dei we mi stap slef,* oli finisYes gogo kasem we mi kam fri.+ 15  Bambae yu singaot, mo bambae mi ansa long yu.+ Bambae yu wantem tumas blong luk wok blong han blong yu. 16  Be naoia, yu stap gohed blong kaontem evri step blong mi.Yu stap lukluk blong faenem sin blong mi nomo. 17  Mo yu satem ol rong blong mi insaed long wan bag,Mo yu yusum glu blong satem ol mastik blong mi. 18  Olsem wan bigfala hil i foldaon mo i go wanwanMo olsem wan bigfala ston we i kamaot long ples blong hem, 19  Olsem wota i digimaot ol stonMo wota long hem i ron strong i wasemaot ol graon,Long sem fasin, yu spolem gud hop blong man we i nating nomo. 20  Yu gohed blong mekem i strong long hem gogo hem i lus.+Yu jenisim bodi blong hem, mo yu sanem hem i gowe. 21  Ol man oli ona long ol boe blong hem, be hem i no save.Oli lusum haenem blong olgeta, be hem i no luksave.+ 22  Hem i save harem i soa nomo taem hem i stap yet long bodi blong hem,Hem* i save krae mo harem nogud nomo taem hem i laef yet.”

Ol futnot

NT: “laef blong hem i paspas gud long ol trabol.”
MNT: “mo oli katemaot.”
PT: “mi.”
NT: “Seol,” hemia gref blong ol dedman. Yu luk Diksonari.
Hemia i minim insaed long gref.
NT: “Sol blong hem.”