Job 33:1-33

  • Elihu i tok strong long Job, from we hem i mekem olsem se hem i stret gud (1-33)

    • Faenem wan ransom (24)

    • Kasembak paoa olsem wan yangfala (25)

33  “Be naoia Job, plis yu harem ol tok blong mi.Yu lesin long evri samting we mi talem.   !Plis, yu luk! Mi mas openem maot blong mi.Tang blong mi i mas toktok.   Ol tok blong mi oli soemaot we hat blong mi i stret,+Mo lips blong mi i talem stret samting we mi save.   Spirit blong God nomo i mekem mi,+Mo win ya blong God Ya We i Gat Olgeta Paoa, i mekem se mi laef.+   Sipos yu naf, yu ansa long mi.Yu talemaot ol poen blong yu long fes blong mi, mo yu stanap rere.   !Yu luk! Long fes blong God, mi mi sem mak long yu nomo.Hem i mekem mi long klei tu.+   Taswe i no gat wan samting long mi we i sud mekem yu yu fraet,Mo ol samting we mi talem i no sud mekem yu harem nogud.   Be mi mi harem ol tok we yu talem,Yes, mi gohed blong harem ol tok ya:   ‘Mi mi klin gud, mi no gat sin.+Mi mi klin, mi no mekem wan mastik.+ 10  Be God i stap faenem ol poen blong agensem mi.Hem i tingbaot mi se mi enemi blong hem.+ 11  Hem i putum ol leg blong mi long ol stok,*Hem i jekemgud evri rod blong mi.’+ 12  Be samting we yu talem i no stret, taswe bambae mi ansa long yu: God i hae moa i bitim man we i blong ded nomo.+ 13  ?From wanem yu stap komplen agensem Hem?+ ?Hemia from we hem i no bin ansarem olgeta tok blong yu?+ 14  From God i toktok wan taem mo seken taem,Be i no gat wan man i lesin, 15  Long wan drim, long wan vison long naet,+Taem ol man oli slip we oli slip dedTaem oli slip long ol bed blong olgeta. 16  Ale hem i tekemaot samting we i stap kavremap sora blong olgeta+Mo i stampem* tok blong hem long tingting blong olgeta, 17  Blong mekem man i tanraon, i no moa mekem ol nogud samting+Mo blong protektem man blong i no kam flas.+ 18  God i blokem sol* blong hem blong i no go long hol,*+Mo i blokem laef blong hem blong i no lus long naef blong faet.* 19  Sobodi we i mekem man i stap long bed, mo ol bun we oli soa oltaemOli save stretem man tu, 20  Olsem nao bodi* blong hem i no laekem bred nating,Mo hem* i sakem ol gudfala kakae tu.+ 21  Bodi blong hem i godaon gogo man i no moa luksave hemMo ol bun blong hem we fastaem oli haed, naoia oli stikaot.* 22  Sol* blong hem i stap go klosap long hol.*Mo laef blong hem i go long olgeta we oli karem ded i kam. 23  Sipos i gat wan mesenja* blong hem,Wan sapota long medel blong wan taosen man,Blong talem long man, samting we i stret, 24  Ale God i sore long hem mo i talem se:‘!Yufala i blokem hem blong i no godaon long hol!*+ !Mi faenem wan ransom* finis!+ 25  I gud bodi blong hem i kam niuwan* i bitim taem we hem i yang.+I gud hem i kasembak paoa olsem ol dei ya we hem i yangfala.’+ 26  Bambae hem i plis long God,+ mo God bambae i akseptem hem,Mo bambae hem i singaot from glad, taem i luk fes blong Hem,Mo bambae Hem i putumbak stret fasin blong hem, long man we i blong ded nomo. 27  Man ya bambae i talemaot* long ol man se:‘Mi mi mekem sin,+ mo mi twistim samting we i stret,Be mi no kasem samting we mi sud kasem.* 28  Hem i pemaot sol* blong mi finis blong i no godaon long hol,*+Mo laef blong mi bambae i luk laet.’ 29  I tru, God i mekem olgeta samting yaTu taem, mo tri taem, long wan man, 30  Blong tekem hem* long hol* i kambak,Olsem nao hem i save harem gud long laet ya blong laef.+ 31  !Job, yu stap kwaet! !Yu lesin long mi! Yu no toktok, nao bambae mi gohed blong toktok. 32  Sipos yu gat samting blong talem, yu ansa long mi. I gud yu toktok, from we mi mi wantem pruvum se yu yu stret. 33  Sipos yu no gat samting blong talem, yu sud lesin long mi,Yu stap kwaet, nao bambae mi tijim yu blong yu kam waes.”

Ol futnot

Yu luk Diksonari.
PT: “i putum stamp long.”
NT: “laef.”
NT: “gref.”
NT: “blong wan tul blong faet (ara) i no kilim hem i ded.”
PT: “laef.”
NT: “sol blong hem.”
NT: “oli stap long klia ples nomo.”
NT: “Laef.”
NT: “gref.”
NT: “enjel.”
NT: “gref.”
Yu luk Diksonari.
NT: “hem i kam helti moa.”
PT: “singsing.”
MNT: “no kasem wan gudfala samting from.”
NT: “laef.”
NT: “gref.”
NT: “sol blong hem.”
NT: “gref.”