Job 12:1-25
12 Biaen Job i ansa se:
2 “!I tru, yufala nao i save!*!Mo waes bambae i ded wetem yufala!
3 Be mi tu mi gat save.*
Mi no daon moa long yufala.
?Hu i no save ol samting ya?
4 Mi mi kam olsem wan samting we ol fren blong mi oli stap laf long hem,+Mi olsem man we i stap singaot long God blong i ansa long hem.+
Wan stret man mo man we i no gat poen, ol man oli stap laf long hem.
5 Man we laef blong hem i rongud i stap laf long trabol,Hem i ting se i blong olgeta ya nomo we leg blong olgeta i no strong.*
6 Ol tent blong ol stilman i stap long pis,+Mo olgeta we oli mekem God i kros, oli sefgud,+Hemia olgeta we oli holem god blong olgeta long han blong olgeta.
7 Be plis, yu askem long ol animol, mo bambae oli tijim yu,Mo ol pijin long skae tu, mo bambae oli talem long yu.
8 O yu tingting gud* long wol ya, mo bambae i tijim yu,Mo ol fis long solwota, bambae oli talemaot long yu.
9 ?Weswan long olgeta samting ya i no saveSe han blong Jehova i mekem samting ya?
10 Laef blong evri laef samting* i stap long han blong hem,Mo spirit* blong olgeta man tu.+
11 ?Yu no ting se sora i save skelem* ol toktokOlsem we tang i save testem kakae?+
12 ?Yu no ting se waes i stap wetem ol olfala+Mo fasin blong kasemsave samting i joen wetem longfala laef?
13 Waes mo paoa i stap wetem hem.+Hem i gat plan* mo fasin blong kasemsave samting.+
14 Taem hem i brekemdaon samting, man i no save bildim bakegen.+Samting we hem i satem, i no gat man i save openem.
15 Taem hem i stopem wota, evri samting i kam drae.+Taem hem i letem oli ron, oli kavremap gud wol.+
16 Paoa mo waestok we i wok gud i stap wetem hem.+Man we i lusum rod mo man we narafala i lidim hem i gorong, tufala tugeta i blong hem.
17 Hem i mekem ol advaesa oli wokbaot drae leg,*Mo hem i mekem ol jaj oli kam olsem ol krangke man.+
18 Hem i slakem ol jen we ol king oli bin fasemtaet,+Mo i fasem wan strap raon long weist blong olgeta.
19 Hem i mekem ol pris oli wokbaot drae leg,+Mo i kafsaedem olgeta we oli gat bigfala paoa blong rul.+
20 Hem i karemaot ol toktok blong ol advaesa we ol man oli stap trastem olgeta,Mo i tekemaot gudfala tingting blong ol olfala man.*
21 Hem i mekem ol man oli lukluk rabis long ol haeman,+Mo i mekem olgeta we oli gat paoa oli slak.*
22 Hem i stap soemaot ol dip samting we oli stap long tudak,+Mo hem i stap tekem ples we i dak olgeta i kam long laet.
23 Hem i stap mekem ol nesen oli kam strong blong hem i distroem olgeta.Hem i stap mekem ol nesen oli kam bigwan, blong hem i lidim olgeta oli go stap long wan narafala kantri.
24 Hem i stap tekemaot fasin blong kasemsave long ol lida blong ol man*Mo i mekem oli wokbaot olbaot long ol ples we i nogud finis, we i no gat rod.+
25 Oli stap puspusum han olbaot long tudak,+ long ples we i no gat laet.Hem i stap mekem olgeta oli wokbaot olbaot olsem ol drong man.+
Ol futnot
^ PT: “I tru nomo se yufala nao man.”
^ PT: “wan hat.”
^ NT: “i stap glis.”
^ MNT: “toktok.”
^ NT: “Sol blong evriwan we i laef.”
^ NT: “win.”
^ NT: “traem.”
^ NT: “advaes.”
^ NT: “Hem i karemaot evri samting blong ol advaesa.”
^ NT: “ol elda.”
^ PT: “Hem i slakem strap blong ol man we oli gat paoa.”
^ PT: “tekemaot hat blong ol lida blong ol man.”
