Job 11:1-20

  • Fas toktok blong Jofara (1-20)

    • Hem i agensem Job from ol tok blong hem we oli emti nomo (2, 3)

    • Hem i talem long Job blong i lego nogud fasin (14)

11  Nao Jofara+ we i man Nahama i ansa se:   “?Yu ting se ol tok ya bambae i go nating nomo we i no gat ansa??No sipos man i toktok tumas, hemia bambae i mekem se hem nao i stret?*   ?Ol tok ya blong yu we oli emti nomo oli save mekem man i stap kwaet? ?Yu ting se i no gat man i save tok long yu from ol tok jik blong yu?+   From yu talem se: ‘Tijing blong mi i stret,+Mo mi klin long fes blong yu.’+   !Be i gud sipos God i toktokMo i openem lips blong hem, i toktok long yu!+   Ale bambae hem i talemaot long yu ol sikret blong waes,From waestok we i wok gud, i gat plante haf blong hem. Olsem nao bambae yu luksave we God i jusum blong fogetem sam rong blong yu.   ?Yu yu save faenemaot ol dip samting blong GodNo yu save faenemaot evri samting long saed* blong God Ya We i Gat Olgeta Paoa?   Oli hae moa long heven. ?Taswe yu save mekem wanem? Oli dip moa long Gref.* ?Taswe yu save wanem?   Oli longfala moa long wolMo oli bigwan moa long solwota. 10  Sipos hem i pas i kam mo i holem wan man mo i mekem se oli pas long kot,?Hu i save blokem hem? 11  From hem i save taem man i giaman. Taem hem i luk ol samting we i nogud, ?yu no ting se hem i luksave? 12  Be man we hed blong hem i emti, bambae hem i kasemsave samting nomoTaem wael dongki i bonem wan man.* 13  I moa gud sipos yu rerem hat blong yuMo yu pusum han blong yu i go long hem. 14  Sipos han blong yu i stap mekem samting we i rong, yu sakem i go longwe,Mo yu no letem fasin we i no stret i stap long ol tent blong yu. 15  Nao yu save leftemap fes blong yu we yu no gat poen nating,Yu save stanap strong we yu no fraet nating. 16  Nao bambae yu fogetem ol trabol blong yu.Bambae yu tingbaot olgeta olsem wota we i ron i pas bitim yu finis i go. 17  Laef blong yu bambae i saen moa i bitim medel dei,Mo nating se i tudak, be bambae i olsem moning. 18  Bambae tingting blong yu i strong from i gat hop,Mo bambae yu luklukraon mo yu ledaon we yu sefgud. 19  Bambae yu ledaon, mo i no gat man i save mekem yu fraet,Mo plante man bambae oli askem yu blong yu kaen long olgeta. 20  Be ae blong ol man nogud bambae i blaen.Mo bambae oli no save faenem wan ples blong ronwe i go long hem,Mo ded nomo bambae i hop blong olgeta.”*+

Ol futnot

NT: “man i tok flas, hem i soemaot se hem i stret?”
NT: “faenemaot limit.”
NT: “Seol,” hemia gref blong ol dedman. Yu luk Diksonari.
Sentens ya i sem mak long tok ya long Bislama se: “Taem faol i gat tut.”
NT: “Mo bambae hop blong olgeta hemia sol we i ded.”