Ɲanndra Mun 31:1-31
31 Famiɛn Lemuɛli i ndɛ mun yɛ. I nin yɛ ɔ kannin ndɛ cinnjin sɔ mun kleli i naan ɔ́ fá klé i ngwlɛlɛ-ɔ. Ɔ seli i kɛ:+
2 ?Min wa, ngue ndɛ yɛ ń kán klé wɔ-ɔ??Min klun ba, ndɛ benin yɛ ń kán-ɔn??Min wa, wɔ mɔ n tali ɔ ti nda’n, ń sé ɔ sɛ?+
3 Nán fa ɔ wunmiɛn’n man bla mun,+like nga famiɛn’m be yo m’ɔ saci be’n, nán yo wie.+
4 Lemuɛli, kɛ famiɛn’m beo sa’n,kɛ famiɛn’m be o sa’n, ɔ fataman kɛ be nɔn duvɛn,ɔ fataman kɛ siefuɛ’m be usa kɛ: “?Min nzan’n wo nin?”+
5 Kɛ ɔ ko yo naan b’a nɔnman nzan naan be wla w’a fiman mmla’n su’n,naan b’a diman be nga be leman ɲrun’n be ndɛ kwlɛ’n ti.
6 Be nga be su wa wu’n, man be nzan kekleekle mun,+yɛ be nga be wla w’a bo be wun dan’n, man be duvɛn.+
7 Maan be nɔn naan be wla fi be yalɛ’n su,nán maan be wla kpɛn be afɛ’n su kun.
8 Ijɔ bobo’m be nuan.Kan be nga be su wa wu’n, be ti ndɛ.+
9 Ijɔ naan di sran’m be jɔlɛ mun klanman.Kan be nga be leman wie’n nin yalɛfuɛ’m be ti ndɛ.*+
א [ Alɛfu]
10 ?Wan yɛ ɔ kwla ɲan bla kpa* kun ja-ɔ?+Ɔ ti kpa tra korai* mun lelele.
ב [ Bɛti]
11 I wun’n fɛ i wla guɛ i su dan,yɛ bian’n mianman like kpakpa wie fi wun.
ג [ Gimɛli]
12 Cɛn kwlakwla’n, like ng’ɔ ti kpa’n yɛ bla’n fa lɛ i ase-ɔ,ɔ yomɛn i tɛ le,
ד [ Dalɛti]
13 ɔ kunndɛ nnɛn ndrɛ nin lɛn lele ɔ ɲan wie.Ɔ klo junman dilɛ kpa.+
ה [ E]
14 Ɔ ti kɛ aata difuɛ kun i mmeli mun sa,+ɔ kɔ mmua ko kunndɛ i aliɛ’n ba.
ו [ Vavu]
15 Asa ekun’n, kɛ ɔ́ jáso’n nn lika’n te lu,ɔ mɛn i awlofuɛ’m be aliɛ,yɛ ɔ mɛn i talua’m be like liɛ.+
ז [ Zayin]
16 Ɔ bu fie wie i akunndan, kpɛkun ɔ to.I bɔbɔ i junman ng’ɔ di’n ti’n,* ɔ dili viɲin fie kun.
ח [ Ɛti]
17 Ɔ siesie i wun naan ɔ́ kó dí junman kekle kpa,*+yɛ ɔ fɛ i sa’n fa di junman kekle.
ט [ Tɛti]
18 Ɔ wun kɛ ɔ ɲan like ng’ɔ yo’n i su mmlusuɛ.I kannin’n nuanman kɔnguɛ.
י [ Yɔdu]
19 I sa’m be biti kluwa’n,yɛ i sa’m be le lola mma’n nun.*+
כ [ Kafu]
20 Ɔ fɛ i sa nun like man be nga be leman wie’n,yɛ ɔ man yalɛfuɛ’m be like klun ufue su.+
ל [ Lamɛdi]
21 Ɔ kokoman kɛ ayrɛ’n kún i awlofuɛ mun,afin i awlofuɛ’m be kwlaa be le tralɛ be fa yo be wun yrɛyrɛ.*
מ [ Mɛmun]
22 I bɔbɔ yɛ ɔ yo i kondro mun-ɔn.I tralɛ’m be ti lɛn nin jese ɔkwlɛ kankan ngunmin.
נ [ Nunun]
23 Be si i wun’n i kpa klɔ’n i anuan’m be nun,+lɔ yɛ ɔ nin nvle’n su kpɛnngbɛn’m be tran-ɔn.
ס [ Samɛki]
24 Ɔ kpa lɛn tralɛ,* kpɛkun ɔ yo i atɛ,yɛ ɔ yo kplo nga be fa ci be bo’n i atɛ aata difuɛ’m be sa nun.
ע [ Ayin]
25 Sɛ wunmiɛn nin aɲrunɲan’n be ti tralɛ’n, nn ń sé kɛ i sɔ ninnge mun yɛ be wlɛ i wun-ɔn,yɛ ɔ kokoman ainmanliɛ’n ti.*
פ [ Pe]
26 Kɛ ɔ uke i nuan’n, ngwlɛlɛ ndɛ yɛ ɔ fite-ɔ.+Klun ufue yolɛ i mmla’n* yɛ ɔ o i nuan-ɔn.
צ [ Sade]
27 Ɔ niɛn i awlofuɛ’m be junman’n su,yɛ ɔ bubumɛn i sa nin i ja tranman su.+
ק [ Kɔfu]
28 I mma’m be jaso, kpɛkun be se i kɛ i liɛ su ti ye.I wun’n jaso, kpɛkun ɔ yi i ayɛ.
ר [ Rɛsi]
29 Bla nga be ti kpa’n,* be diman be yalɛ,sanngɛ ɔ liɛ’n, ɔ kpa liɛ’n tra be ngba.
ש [ Sinin]
30 Klanman yolɛ’n, ɔ kwla laka sran. Yɛ sran kun i klanman’n kwla yro.*+Sanngɛ bla ng’ɔ sro Zoova’n, i liɛ’n bé yí i ayɛ.+
ת [ Tavu]
31 Like ng’ɔ yo’n ti’n, amun fa like be yo i mo,*+yɛ ninnge ng’ɔ yo be’n ti’n, maan be yi i ayɛ klɔ’n i anuan’m be nun.+
Ja ngua lɔ ndɛ mun
^ Annzɛ “Kpli be nga be leman wie’n nin yalɛfuɛ’m be ti.”
^ Annzɛ “m’ɔ leman wunsu’n.”
^ Nian Ndɛ’m be bo tulɛ lika’n nun lɔ.
^ Annzɛ “ninnge ng’ɔ ɲannin be’n ti’n.” Ebr., “i sa’m be su mma nga be suli’n.”
^ Ebr., “Ɔ fa wunmiɛn fa ci i bo.”
^ Kluwa’n nin lola mma’n be ti waka. Be fa yo jese ɲanman annzɛ be fa jese ɲanman’n blabla be wun.
^ Ebr., “tralɛ nɲɔnnɲɔn.”
^ Annzɛ “tralɛ nga be fa wla tralɛ’m be bo’n.”
^ Annzɛ “kɛ ɔ bu ainman liɛ’n i akunndan’n, srilɛ yɛ ɔ sri-ɔ.”
^ Annzɛ “Like mɔ be kle i klolɛ su’n”, “Klolɛ dan’n i mmla’n.”
^ Annzɛ “be leman wunsu’n.”
^ Annzɛ “ɔ ti ngbɛn.”
^ Ebr., “Amun fɛ i sa’n i mma ng’ɔ su’n be mɛn i.”
