Ɲanndra Mun 16:1-33
16 Sran kun bɔbɔ yɛ ɔ siesie akunndan ng’ɔ o i klun lɔ’n niɔn,sanngɛ ndɛ ng’ɔ kan fa tɛ sran su’n,* ɔ fin Zoova.+
2 Like kwlaa nga sran kun yo’n, ɔ bu i kɛ ɔ ti kpa,*+sanngɛ Zoova yɛ ɔ nian sran i klun akunndan’n nun-ɔn.+
3 Like kwlaa nga á yó’n, fa wlɛ i Zoova sa nun,+i liɛ’n, like nga a sunnzun kɛ á yó’n, ɔ́ yó ye.
4 Zoova fa like kwlaa di junman naan i klun sa’n kpɛn su,klunwifuɛ mun bɔbɔ’n, ɔ sie be lɛ fa minndɛ ɲrɛnnɛn cɛn’n.+
5 Sran kwlaa ng’ɔ tu i wun’n,* Zoova i ɲin ci i.+Lafi su kɛ* saan bé tú i fɔ.
6 Klun ufue yolɛ’n* nin nanwlɛ dilɛ’n ti’n, be yaci sa cɛ,+kɛ be sro Zoova’n, be ɲin ci sa tɛ yolɛ’n.+
7 Kɛ Zoova klo sran kun i ayeliɛ’n,ɔ yo maan i kpɔfuɛ mun bɔbɔ be nin i be nuan sɛ.+
8 Sɛ a le like kaan sa naan sanngɛ a yo sa kpa’n,+ɔ flunman tra kɛ a ɲan ninnge kpanngban kpa kusu nn a diman nanwlɛ’n.+
9 Sran wie kwla sunnzun i klun lɔ kɛ ɔ́ yó like wie,sanngɛ Zoova yɛ ɔ kle i atin-ɔn.+
10 Ndɛ nga famiɛn kun kan fa kpɛ ndɛ kun nun’n, maan ɔ fin Ɲanmiɛn.+ɔ fataman kɛ ɔ di ndɛkwlɛ le.+
11 Jayɔbuɛ nin toe nga be ti sɛsɛ’n, be fin Zoova.Jayɔbuɛ kwlaa nga be o pata’n nun’n be ti i sa nuan like.+
12 Famiɛn’m be ɲin ci klunwi yolɛ’n,+afin sa i nuan su sɛsɛ yolɛ’n yɛ maan famiɛn bia’n taka kpa-ɔ.+
13 Ndɛ ng’ɔ ti su’n yɛ famiɛn’m be klo i-ɔ.Be klo sran ng’ɔ di nanwlɛ’n.+
14 Famiɛn’n i ya ng’ɔ fa’n, ɔ ti kɛ b’a sunman sran kɛ ɔ ko kun sran sa,+sanngɛ ngwlɛlɛfuɛ’n yo maan ɔ guɛ i ya’n i ase.+
15 Sɛ famiɛn’n i ɲrun’n ti kpajawa’n, nn nguan o lɛ.Aunnvɔɛ m’ɔ si sran’n ti kɛ nzue mɔ w’a mlan, m’ɔtɔ blɛ ng’ɔ ti su’n inun’n sa.*+
16 Ngwlɛlɛ’n i silɛ’n ti kpa tra sika ɔkwlɛ’n i ɲanlɛ.+Sa wlɛ wunlɛ’n i kpa tra sika.+
17 Akpɔ dan nga be nga be nanti seiin be fa su’n, ɔ faman be kɔman sa tɛ’n i bue liɛ’n su lɔ.Sran kwlaa ng’ɔ nian ajalɛ ng’ɔ tu’n su’n, ɔ sɛsɛ i nguan’n.+
18 Be wun tulɛ’n i like ng’ɔ su i su’n yɛle ɲrɛnnɛn’n,yɛ be wun kpakpa yolɛ’n yi be ase.+
19 Sɛ a yo ɔ wun kaan* wun ase kanfuɛ’m be afiɛn’n,+ɔ flunman tra kɛ a nin wun tufuɛ’m be cɛ sran’m be bo ninnge nga be fali’n be nun’n.
20 Sran ng’ɔ fa akunndan nanti sa kun nun’n, i bo’n gúa kpa mɛ́n i,*yɛ sran ng’ɔ fɛ i wla guɛ i Zoova su’n, i liɛ su ti ye.
21 Sran ng’ɔ si ngwlɛlɛ’n, bé flɛ́ i kɛ sran m’ɔ bu sa sin’n,+yɛ sran ng’ɔ kan ndɛ amanniɛn su’n,* ɔ kan ndɛ-ɔ, be fa.+
22 Akunndanfuɛ’m be nzue ti m’ɔ man nguan’n, yɛle akunndan silɛ’n.Sanngɛ sinnglinfuɛ’m be liɛ’n, be bɔbɔ be sinnzin’n yɛ ɔ tu be fɔ-ɔ.
23 Akunndan mɔ ngwlɛlɛfuɛ’n bu’n ti’n, ndɛ ng’ɔ fin i nuan nun fite’n tingwlɛlɛ ndɛ.+Yɛ i sɔ’n ti’n, ɔ kan ndɛ-ɔ be fa.
24 Ndɛ fɛ’n ti kɛ awɛma nzue sa,ɔ yo sran fɛ yɛ ɔ yo be owie’n i juejue.+
25 Atin wie o lɛ’n, sran bu i kɛ ɔ ti atin kpa,sanngɛ i agualiɛ’n yɛle wie’n.+
26 Aliɛ mɔ junman difuɛ’n klo kɛ ɔ́ ɲɛ́n i’n ti yɛ ɔ di junman kekle-ɔ,afin awe’n* yɛ ɔ su i bo-ɔ.+
27 Finfinfuɛ’n tu sa tɛ’n i bo.+I nuan nun ndɛ’n jue vlanwunvlanwunkɛ sin sa.+
28 Utrefuɛ’n* kpɛndɛnngan ba,+suɛn tɔnfuɛ’n saci janvuɛ nga be ti koko nɲa nun-ɔn ɔ timan’n, be afiɛn.+
29 Nzaje sa yofuɛ’n lɛkɛ i wiengu,kpɛkun ɔ fɛ i kɔ atin tɛ su.
30 Kɛ ɔ gugu kɛ ɔ́ yó sa tɛ’n, ɔ bu i ɲinma’n kplɛ.Kɛ ɔ́ yó i wiengu’m be tɛ’n, ɔ kɛ i nuan bui’n.
31 Kɛ be nanti sa nuan su sɛsɛ yolɛ’n i atin’n su’n,+be ti je’n ti kɛ famiɛn kle klanman kpa kun sa.+
32 Sran ng’ɔ faman ya ndɛndɛ’n+ i kpa tra safuɲrɛn,yɛ sran nga kɛ be klɔklɔ i’n ɔ trɛ i awlɛn’n,* i kpa tra sran ng’ɔ utu klɔ kun’n.+
33 Be tu fɔtɔ,*+sanngɛ Zoova yɛ ɔ kle ajalɛ kwlaa ng’ɔ fata kɛ be fa’n niɔn.+
Ja ngua lɔ ndɛ mun
^ Annzɛ “i su tɛlɛ ng’ɔ ti su’n.” Ebr., “i su tɛlɛ ng’ɔ o be taaman’n su’n.”
^ Ebr., “sanwun.”
^ Ebr., “ɔ tu i wun i awlɛn’n nun lɔ.”
^ Ebr., “Be sa nin be sa.”
^ Annzɛ “Klolɛ’n.”
^ Nzue ng’ɔ tɔ Avrili anglo’n nun m’ɔ yo maan fie su ninnge’m be su’n, i ndɛ yɛ be kan-ɔn. Nian Nd. B15 nun.
^ Ebr., “kan ɔ wun ase ɔ akunndan’n nun lɔ.”
^ Ebr., “ɔ́ ɲán ye.”
^ Ebr., “nga i nuan bui yo fɛ’n.”
^ Ebr., “i nuan’n.”
^ Annzɛ “Sran ng’ɔ bu sran wun akunndan tɛ’n.”
^ Ebr., “ɔ sie i akunndan’n.”
^ Ebr., “Be tu fɔtɔ’n be sɔwa’n su.” Kɛ sran kun ti ase’n, tralɛ’n i bue ng’ɔ kɛtɛ i ja’n su’n i ndɛ yɛ be kan-ɔn.
