Salmos 80:1-19
Directorataki. “Lirio panqaranaka” siski ukarjama. Amtayañataki. Asaf+ chachan salmopa.
80 Israelan Awatiripa, istʼakimaya,jumaw Josearojj mä tama uywarjamajj irpasktajja.+
Jumajj querubín angelanak patjjan* qontʼatätawa,+jumajj qhantʼakimaya.*
2 Efraín, Benjamín, Manasés nayraqatanchʼamanïtam uñachtʼayam,+jutam, salvapjjeta.+
3 Dios Tata, mayampiy katoqtʼasipjjeta,+sumakiy uñjapjjeta, ukhamat salvatäpjjañajataki.+
4 Ejercitonakan Jehová Diosapa, ¿kunapachkamarak markamatak wal colerasïta, oracionapsa jan istʼkarakïta?+
5 Jachanakjja tʼantʼäkaspas ukhamwa manqʼayapjjestajja,jachanakjja umäkaspas ukhamwa umayapjjestajja.
6 Oraqenakajat nuwasipjjañapatakiw vecinonakajar jayttajja,munañanakaparjamaw enemigonakajajj nanakat burlasisipkaki.+
7 Ejercitonakan Diosapa, mayampiy katoqtʼasipjjeta,sumakiy uñjapjjeta, ukhamat salvatäpjjañajataki.+
8 Egipto markatjja mä uvas ali+ apsuntajja.
Markanakar alisnukusaw uk ayrunttajja.*+
9 Uka uvas alitakejj mä lugar wakichtʼaraptajja,ukatsti saphintänwa, oraqsa phoqantarakïnwa.+
10 Qollunakas uka uvas alin chʼiwipamp tapjjatatäpjjänwa,Diosan cedro qoqanakapas* uvas alin ramanakapamp tapjjatatäpjjarakïnwa.
11 Uvas alin ramanakapajj lamar qotakamaw purïna,jiskʼa alinakapas Éufrates jawirkamaw purïna.+
12 ¿Kunatsa uvas yapun qala perqanakap allthapta,+ukhamat uknam taqe pasirinakajj achunakap apaqapjjañapataki?+
13 Montenkir* jabalí sat khuchinakaw qʼal tukjapjje,salvaje animalanakas uka yaputwa manqʼapjje.+
14 Ejercitonakan Diosapa, mirä amp suma, kuttʼanikimaya.
¡Alajjpachat uñtanim, kunas pasaski uk uñjam!
Aka uvas alirojj uñjakimaya,+
15 kupi amparamajj ayruntki* uka alirojj uñjakimaya,+juma pachpatak chʼamanir tukuykta uka yoqall wawarojj* uñtanikimaya.+
16 Uka uvas alejj ninampi nakhantayatawa,+ khuchuratarakiwa.
Juman cheqañchatäsajja jaqenakajj jiwarapjjewa.
17 Kupëjjamankki uka chachar amparamajj yanaptʼpan,jaqen yoqapar jumatak chʼamanir tukuykta ukar yanaptʼam.+
18 Nanakajj janiw jumat jitheqtapkäti.
Jakayasipkakitaya, ukhamat sutimar artʼasipjjañajataki.
19 Ejercitonakan Jehová Diosapa, mayamp katoqtʼasipjjakitaya,sumakiy uñjapjjeta, ukhamat salvatäpjjañajataki.+
