Salmos 27:1-14
Davidan salmopa.
27 Jehová Diosaw qhanajasa+ salvirijasa.
¿Khitirurak ajjsaririststi?+
Jehová Diosaw jakäwij jarkʼaqetu.+
¿Khitirurak nayajj wal ajjsaririststi?
2 Jan wali jaqenakajj nayan jañchij manqʼantañatak atacapjjetäna ukhajja,+naya contra saytʼirinakasa enemigonakajas lanktʼasipjjänwa, liwisipjjarakïnwa.
3 Mä ejercitos nayar muyuntkchitanejja,chuymajajj janiw ajjsarkaniti.+
Naya contras guerrajj sartkchinejja,nayajj jupar confiyaskakïwa.
4 Jehová Diosarojj mayakwa nayajj mayta,ukwa nayajj thaqarakëjja,jakkä taqe uka urunakanjja Jehová Diosan utapan jakaña,+ukhamat Jehová Diosajj kunja suma Diosasa uk uñjañajatakiukhamarak templopar* wali munasiñamp uñjañajataki.+
5 Kuna laykutejj jan waltʼäwi urunjja jupaw imantasiñapar imantitani,+carpapankir jamas lugararuw imantitani,+wali altoruw mä qarqa* patjjar uchitani.+
6 Jichhasti muyuntapkitu uka enemigonakajarojj atipjtwa,jupan carpapanjja kusisiñat arnaqasisaw sacrificionak loqtäjja,Jehová Diosarojj alabanzanakwa cantäjja.*
7 Jehová Dios Tata, yanaptʼa mayiñatak artʼasinksma ukhajj istʼakitaya,+khuyaptʼayasikitaya, jaysakitaya.+
8 Chuymajajj jumat akham siwa:
“Nayan ajanuj jikjjatañatak chʼamachasipjjam” sasa.
Jehová Dios Tata, juman ajanum jikjjatañatakiw nayajj chʼamachasëjja.+
9 Janikiy ajanumjja nayat imantasimti.+
Janikiy coleratäkasin servirimarojj apanukumti.
Jumaw nayan yanapirijätajja.+
Salvir Diosaja, janikiy apanuktʼasistati, janirakiy jaytanuktʼasistati.
10 Tatajasa mamajasa apanukchitanejja,+Jehová Diosaw nayarojj katoqtʼasitani.+
11 Jehová Dios Tata, thakimat yatichtʼasita,+naya contra saytʼasirinak kawsajj cheqa thaknam irpita.
12 Janikiy naya contra saytʼasirinakan amparapar katuyistati,+falso testigonakaw naya contra saytʼasipjje,+nayar jan wali lurañampiw amenazapjjetu.
13 Nayatï jakkasin Jehová Diosan suma chuymanïtapar jan confiykiriskayäta* ukhajja,janiw aguantkiriskayätti.*+
14 Jehová Diosar suytʼam,+jan ajjsaramti, chuymaman chʼamani saytʼasim.+
Jïsa, Jehová Diosar suytʼam.
Notanaka
^ Jan ukajja, “santuariopar”.
^ Variante: “jaqhe”.
^ Jan ukajja, “Jehová Diosatakejj music tukäjja”.
^ Jan ukajja, “jan feinïkiriskayäta; jan iyawsäwinïkiriskayäta”.
^ Ukajja, “Jakkasinjja Jehová Diosajj kunja suma Diosasa uk uñjañwa nayajj confiyta” sasaw jaqokipasirakispa.
