Salmos 17:1-15
Davidan oracionapa.
17 Jehová Dios Tata, cheqapar uñjatäñatak ruwtʼasitajarojj istʼakimaya.
Yanaptʼa mayiñatak artʼasitajarojj istʼakimaya.
Jan engañompi oración mayisitajarojj istʼakimaya.+
2 Naya favoray cheqaparjam amtam,+nayranakamajj kunatï cheqapäki ukay uñjpan.
3 Jumajj chuymajwa uñantistajja, arumaw jumajj inspección nayar luristajja,+jumaw nayarojj qʼomachistajja,+janiw kuna jan wal amtatajsa jikjjatkätati,lakajajj janiw kuna jan walsa parlkiti.
4 Janiw nayajj lunthatanakan thakinakap arkti, kunjamtï waljanejj lurapki ukhamjja,kuna laykutejj nayajj lakaman arunakaparuw istʼta.+
5 Thakinakamarjam sarnaqañatak yanaptʼita,ukhamat jan lanktʼasiñajataki.+
6 Dios Tata, nayajj jumaruw artʼasinsma, kuna laykutejj jumajj jaysitätawa.+
Naya toqer jiñchum altʼanikimaya.* Arunakajarus istʼakimaya.+
7 Munasirïtamsa jan jaytjasirïtamsa musparkañ luratanakamamp uñachtʼayita.+
Salvir Dios Tata, jumajj kupi ladomar imantasiñ thaqerinakan salviripätawa,mä arunjja juma contra saytʼasipki ukanakat imantasiñ thaqerinakan salviripätawa.
8 Kunjamtï nayranakamar jarkʼaqta ukhamay jarkʼaqtʼasita,+chheqanakaman chʼiwiparuy imantasita.+
9 Atacapkitu uka jan wali jaqenakat jarkʼaqtʼasitaya,muyuntapkitu, jiwayañ munapjjarakitu uka enemigonakajat jarkʼaqtʼasikitaya.+
10 Jupanakajj jan sinttʼasir jaqeruw tukjjapjje,lakanakapampis jachʼa jachʼa tukusaw parlapjjaraki.
11 Jichhajja jupanakajj muyuntapjjetuwa,+kunjamatsa tinkuyapjjetaspa* ukwa jupanakajj thaqasipki.
12 Jupanakat sapa maynejja, mä animalar jiskʼa jiskʼa tukjañ wal munir leonar uñtasitäpjjewa,jamas lugaranakan winktʼat suyaskiri waynpach mä leonar uñtasitäpjjewa.
13 Jehová Dios Tata, jupanakar saykatañatak sartasikimaya,+ jupanakar liwinukum.
Jan wali jaqenakat espadamamp salvakitaya.
14 Jehová Dios Tata, amparamampi salvakitaya,akapachankir jaqenakat salvakitaya, jupanakajj aka tiempon jakañatakwa llakisipjje,+kuna sumanaktï jumajj churkta ukanakampiw jupanakar phoqtʼaytajja,+jupanakajj walja wawanakaparuw herencia jaytapjje.
15 Ukampis nayajj cheqapar sarnaqasaw jakasëjja, ajanumwa nayajj uñjarakëjja.
Juma nayraqatanjja chuymas chuymaw sartasta.+
