Salmos 103:1-22
Davidan salmopa.
103 Nayajj Jehová Diosaruw jachʼañchäjja,taqe chuymajampiw santo sutip jachʼañchäjja.
2 Nayajj Jehová Diosaruw jachʼañchäjja,taqe kuntï jupajj lurki ukanakat janik armasiristti.+
3 Jupajj taqe pantjasitanakamjja perdoniwa,+taqe tʼaqesitanakamjja* qollarakiwa.+
4 Jakañ vidamjja sepulturatwa jupajj salvi,+munasiñat jan jaytjasiñapampi khuyapayasiñapampiw coronäkaspas ukham uchtamjja.+
5 Taqpach jakäwimanjja kunanakatï sumäki ukanakampiw phoqtʼaytamjja,+ukhamat mä pakar uñtat waynäskakiñamataki ukhamarak chʼamanïskakiñamataki.+
6 Jehová Diosajj cheqapampi justiciampiw taqe kuns luri,+taqe khitinakatï tʼaqesiyatäpki ukanakataki.+
7 Jupasti Moisesarojj thakinakapatwa yatiyäna,+luratanakapatwa israelitanakarojj yatiyarakïna.+
8 Jehová Diosajj khuyapayasiri, sinttʼasiri,+pacienciani,* wali munasiñat jan jaytjasir Diosawa.+
9 Jupajj janiw pantjasitanakasjja wiñayatak amjjäskaniti,+janirakiw wiñayatak chuyma ustʼatäkaniti.+
10 Jupajj janiw juchanakasarjamajj uñjkistuti,+janirakiw pantjasitanakasat kunatï katoqañajj waktʼkistu ukarjamajj castigkistuti.+
11 Kunjamtï alajjpachanakajj oraqet wali altonkkejja,ukham jachʼarakiw Diosan munasiñat jan jaytjasirïtapajj jupar ajjsarapki ukanakatakejja.+
12 Kunjamtï inti jalsojj inti jalantat wali jayankkejja,ukhamwa Diosajj jiwasan juchanakasjja wali jayar usku.+
13 Kunjamtï mä awkejj wawanakapat khuyaptʼayaskejja,ukhamarakiw Jehová Diosajj jupar ajjsarapki ukanakat khuyaptʼayasi.+
14 Kuna laykutejj kunjam luratätansa uk jupajj sum yati,+laqʼat luratätassa+ amtasirakiwa.
15 Jaqen urunakapajj paston urunakapjamawa,+camponkir panqarar uñtataw panqararaki.+
16 Ukampis kunapachatï thayajj thaytʼanki ukhajja, chhaqtawayjjewa,janis kunapachas ukankkaspäna ukhamakëjjewa.
17 Ukampis jupar ajjsarapki ukanakatakejjaJehová Diosan munasiñat jan jaytjasirïtapajjwiñayans wiñayapatakiwa.*+
Cheqapar uñjirïtapas wawanakapan wawanakapkamaw puri,+
18 pactop phoqapki,+arsutanakapsa wali sum phoqapki ukanakaru.
19 Jehová Diosajj alajjpachanakanwa tronop wali sum uttʼayi,+reinopas* taqe kunjjaruw apnaqaraki.+
20 Diosan angelanakapa,+ wali chʼaman angelanaka, taqeni Jehová Diosar jachʼañchapjjam,khitinakatï arunakap phoqapkta, arunakapar istʼapkarakta+ ukanaka.
21 Jupan taqe ejercitonakapa, Jehová Diosar jachʼañchapjjam,+jupan servirinakapa, jupan munañap luririnaka.+
22 Jupan taqe luratanakapa, Jehová Diosar jachʼañchapjjam,jupajj apnaqki taqe uka lugaranakana.
Taqe chuymajampiw nayajj Jehová Diosar jachʼañchäjja.
