Salmos 63:1-11
Davidan salmopa. Judá wasarankkäna ukhaw qellqäna.+
63 Dios Tata, jumaw Diosajätajja, jumarojj thaqaskaksmawa.+
Nayajj jumat pharjatätwa.*+
Jumar wal munasitaj laykojj nayajj desmayastwa,wañäki, jan kunas achki, umajj jan utjki uka oraqenwa nayajj desmayasta.+
2 Nayajj sagrado lugaranwa juma toqer uñtaniyäta,chʼamamsa kʼajkir qhanamsa uñjarakiyätwa.+
3 Jakañat sipansa munasiñat jan jaytjasirïtamaw jukʼamp sumajja,+pachpa lakajaw jumar jachʼañchätam.+
4 Akhamwa nayajj taqe jakäwijan jumar jachʼañchäma,sutimjjar artʼasisaw nayajj oración luräma.
5 Kunjamtï mä jaqejj suma manqʼa manqtʼasisin sistʼaskejja, ukhamarakiw nayajj sistʼasëjja.
Kusisitaw lakajajj jumar jachʼañchätam.+
6 Nayajj ikiñajankta ukhaw jumat amtasta,chika arumaw nayajj jumat lupʼta.*+
7 Kuna laykutejj jumaw nayan yanapirijätajja,+chheqanakaman chʼiwipanwa nayajj kusisit arnaqasta.+
8 Nayajj jakʼamankapuntwa,kupi amparamajj sumwa nayarojj katjjasitu.+
9 Ukampis khitinakatï nayar jiwayañatak thaqapkitu ukanakajja,oraq manqharuw saraqapjjani.
10 Jupanakajj espadamp jiwayatäpjjaniwa,jupanakajj chacal sat animalanakan* manqʼapäniwa.
11 Ukampis reyejja kuntï Diosajj jupa layku lurkani ukatwa kusisini.
Taqe khitinakatï jupan sutipjjaru juramento lurapki ukanakajj wal kusisipjjani,kuna laykutejj kʼarinak parlirinakan lakanakapajj amuktʼayatäniwa.
