Salmos 34:1-22
Davidan salmopa. Kunapachatï Davidajj Abimélec nayraqatan loqhëkaspas ukham tukkäna,+ Abimélec chachan alisnukut uñjaskäna, sarjjarakïna uka qhepatwa Davidajj aka salmo qellqäna.
א [álef]
34 Nayajj taqe tiemponakanwa Jehová Diosar jachʼañchäjja,juparusti nayajj jachʼañchapunïwa.
ב [bet]
2 Jehová Diosatjja orgullompiw parläjja,+llampʼu chuymaninakajj* istʼapjjaniwa, kusisipjjarakiniwa.
ג [guímel]
3 Jehová Diosar nayamp chik jachʼañchapjjam,+taqeni sutip jachʼañchapjjañäni.
ד [dálet]
4 Jehová Diosaruw nayajj orasiyäta, jupasti jaysitänwa,+taqe ajjsarañanakajatwa jupajj salvitäna.+
ה [he]
5 Khitinakatï jupa toqer uñtapkäna ukanakajja kʼajkiriruw tukupjjäna,ajanunakapas janipuniw mä phenqʼa uñjasipkaspänti.
ז [zayin]
6 Aka humilde jaqew jawsäna, Jehová Diosasti istʼänwa.
Diosajj taqe tʼaqesiñanakapatwa salväna.+
ח [jet]
7 Jehová Diosan angelapajj taqe khitinakatï jupar ajjsarapki ukanakarojj jarkʼaqewa,*+ukatsti salvarakiwa.+
ט [tet]
8 Jehová Diosajj kunja suma Diosasa uk yantʼapjjam, uñjapjjarakim,+khititejj jupar imantaski ukajj kusisitawa.
י [yod]
9 Taqe khitinakatï jupankapkta* ukanakajj Jehová Diosar ajjsarapjjam,kuna laykutejj khitinakatï jupar ajjsarapki ukanakarojj janiw kunas faltkiti.+
כ [kaf]
10 Chʼamani waynpach leonanakas manqʼat awtjatäpjjänwa,ukampis khitinakatï Jehová Diosar thaqapki ukanakarojj janiw kunatï sumäki ukajj faltkaniti.+
ל [lámed]
11 Nayan wawanakaja, jutapjjam, istʼapjjeta,nayaw Jehová Diosar ajjsarañ yatichapjjäma.+
מ [mem]
12 ¿Khitis jumanak taypitjja kusisit jakasiñ munapjjtaukhamarak wali suma urunak uñjañ munapjjta?+
נ [nun]
13 Ukhamächi ukhajja, kunatï jan walïki ukanak jan parlamti,+engañjir arunak jan parlamti.+
ס [sámekh]
14 Kunatï jan walïki ukatjja jitheqtam, kunatï walïki uk luram,+sumankañ thaqam, sumankañan qhepap sararakim.+
ע [ayin]
15 Jehová Diosan nayranakapajj cheqap sarnaqer jaqenakjjankiwa,+jiñchunakapasti yanap mayiñatak artʼasitanakapar istʼiwa.+
פ [pe]
16 Ukampis Jehová Diosajj jan wali luririnak contrawa,ukhamatwa jupanakajj oraqen jan amtatäjjapjjaniti.+
צ [sadé]
17 Cheqap sarnaqerinakajj arnaqasipjjänwa, Jehová Diosasti istʼänwa.+
Jupaw taqe tʼaqesiñanakapatjja salväna.+
ק [qof]
18 Jehová Diosajj khitinakatï chuyma pʼakintatäpki ukanakan jakʼapankiwa,+jupaw sinti desanimatäpki ukanakarojj salvaraki.+
ר [resh]
19 Cheqap sarnaqer jaqen jan waltʼäwinakapajj waljawa,+ukampis Jehová Diosaw taqe ukanakatjja salvi.+
ש [shin]
20 Diosaw jupan taqpach chʼakhanakap imaski,janiw ni mä chʼakhapas pʼakjatäkiti.+
ת [taw]
21 Jan wali jaqerojja mä jan waltʼäwiw jiwayani,cheqap sarnaqer jaqer uñisirinakajja juchañchatäpjjaniwa.
22 Jehová Diosajj servirinakapan jakañapwa salvaski,jupar imantasipki ukanakatjja janiw maynis juchañchatäpkaniti.+
Notanaka
^ “Llampʼu chuymanïña” siski uk glosarion liytʼäta.
^ Jan ukajja, “ukanakan muytpachaparuw carpap saytʼayi”.
^ Jan ukajja, “jupar serviñatak yaqhachatäpkta”.
