Salmos 121:1-8
Markar makatkasin cantañatak mä canción.
121 Kunapachatï nayajj qollunak toqer nayranakajamp uñtta ukhajja,+¿khitirak yanaptʼitani? sasaw sista.
2 Jehová Diosaw yanaptʼitani,+alajjpacha, oraqe lurir Diosaw yanaptʼitani.
3 Jupajj janipuniw kayunakaman llustʼtañapjja* munkaniti,+jumar jarkʼaqer Diosajj janipuniw ikimp atipayaskaniti.
4 Jupajj janipuniw ikimp atipayaskaniti ni ikkanisa,jupajj Israelan jarkʼaqeripawa.+
5 Jehová Diosaw jumar jarkʼaqasktamjja,Jehová Diosaw kupëjjamankir+ chʼiwejja.+
6 Urojja intejj janiw kuns kamachkätamti,+arumajja phajjsejj janirakiw kuns kamachkätamti.+
7 Jehová Diosaw kuna jan walitsa jarkʼaqätam,+jupaw jakañ vidamjja jarkʼaqani.+
8 Taqe kuntï lurkäta ukanjja Jehová Diosaw jarkʼaqätam,jichhat uksarusa wiñayatakisa.
Notanaka
^ Jan ukajja, “uksar aksar khatatiñapjja”.
